1741eko irailaren 7an Blas de Lezo komandantea zendu zen

Blas de Lezo y Olavarrieta Pasaian jaio zen, 1689an, eta "hanka–makila" edo "erdi gizon" izenez ezagutzen zen. Bere bizitza Itsas Armadarekin lotu zuen txikitatik. Hamabost urte besterik ez zituen 1704ko udan Borboiko flota baten eta Herbehereetako ontzidi baten artean Malagako kostaldearen aurrean izandako itsas guduan parte hartu zuenean.

Borroka hartan, Blas de Lezori ezkerreko hanka moztu behar izan zioten, kanoi-bala batek txikituta. Handik gutxira, 1707an, Toulongo itsas basean ingelesen aurka egindako beste borroka batean, berriro zauritu zuten. Oraingoan, metraila-eskirola batek ezkerreko begia hondatu zion.

Horrek ez dio eragozten bere karrera Itsas Armadan jarraitzea. Felipe V.aren banderen azpian borrokatzen da itsasontzi ingeles batzuk harrapatuz eta setiatutako plazak lagunduz. Bartzelonako setioan, Ondorengotza Gerrako azken gertakarietako batean, hirugarren zauri bat izan zuen, eskuineko besoa erabilezin utzi ziona. Borroka amaituta, Blas de Lezo, 25 urte besterik ez zituela, herrena, begibakarra eta mankoa da.

Ordutik aurrera, bere karrera militarra hainbat agertokitan garatu zen, besteak beste, Karibean edo Hegoaldeko itsaso deiturikoetan. 1741eko apirilaren 7an hil zen, britainiar flotak Cartagena de Indiasi egindako erasoan jasandako zaurien ondorioz.

Pertsonaia historiko hau gehiago ezagutzeko: Blas de Lezo

Horretaz gain, El general Pierna de Palo : narración histórica, Biblioteca Digital Hispánica liburutegian.