'Poetika 2023' zikloak proposamen multisentsoriala eskainiko du martxoaren 24an

Poetika 2023ren hurrengo saioa berezia izango da. Oraingoan eta Erakustaretoan, Hilar Project taldearen eskutik, proposamen multisentsiorala bizitzeko aukera izango dugu eta hainbat disziplina artistiko esperimental ezagutuko ditugu. Helburua diskurtso poetikoaren komunikazio-gaitasunak aztertzea izango da eta horretarako hainbat gai jorratuko dira.

Gaien artean, soziopolitikoak aurkituko ditugu, eta horren barruan, beste hainbat landuko dira: ingurumen-krisia, jasangarritasuna, identitatea, generoa eta kultura, giza eskubideak…

Hauek guztiak jorratzeko, esperientzia estetikotik abiatuko da Hilar Project, sentsibilitateak lantzeko eta kontzientzia fintzeko asmoz. Lanak Arbasoen jakintza ehuntzen du izena eta bideoarte oinarri izanik, beste hainbat elementu ikusi ahalko ditugu, besteak beste, antzezpena, antzinako musika, performance-a, dantza…

Emakumearen irudia izango da aztergai eta emakume garaikidea emakume mito-jatorriarekin konparatuko da bere puntu komunak aurkitzeko. Lan espirituala aurkezten dute honen bidez Hilar Projecteko kideek, baina akzio performatiboa alde batera utzi gabe. Bi emakumeek, saioan zehar, horien benetako sinboloak eraikitzen hasiko dira sustraiekiko loturaren bidez.