Abenduko musika nobedadeak

Hona hemen azaroan iritsi eta katalogatu diren CD berrienak. Eskuragai daude mailegu bidez etxera eraman ahal izateko edo liburutegian bertan entzuteko. Eñaut Elorrietak "Irteera argiak" bakarkako bigarren diskoa aurkeztuko du.  Kantu berriez osatuta dago, eta Elorrietak lehengo eta oraingo adiskideen laguntza izan du. Elorrietak berak konposatutako letrak ditu, eta Uxue Alberdi, Joseba Sarrionandia eta Jose Luis Otamendi idazleen testuak ere musikalizatu ditu, besteak beste. El Drogasen disko berria. "Solo quiero brujas en esta noche sin compañía" izeneko disko boskoitza, giro musikal, tematiko, arte edo koprodukzio desberdinarekin; eta ahots bat, berea.  Bere ohiko taldekideek eklektikoki instrumentatutako 42 istorio laburren bidaia bat proposatzen du.