Abuztuko eleberri eta komiki nobedadeak

Iritsi berriak dira nobedade hauek mailegura. Azken asteetan jasotako fikziozko lanen zerrenda duzue jarraian, eta baita horien arteko aukeraketa bat ere modu xehetuagoan. Hemetxe irakurri, estekaren bidez katalogara sartu eta erreserbatu dezakezue gustukoena gero bila pasatuz (Errege-Erregina katolikoen kaleko 16 zenbakian). Gozatu!

ELEBERRIAK
“La fragancia del mañana”Francesca Giannonek idatziatako lana. Honetan, Lorenzo eta Agneseren bizitza kontatzen digu. Bien egonkortasunaren eta etorkizunaren sinbolo zen fabrika familiarra saltzen du bere aitak eta dena galtzen dute. Lorenzok, oldarkor eta erabakior, berreskuratzeko asmoz alde egiten duen bitartean, Agnesek, isilago, bere sustraiei atxikita geratzea aukeratzen du. Ezberdintasun horiek sakonki bereizten dituzte, bide desberdinetatik eramanez, hartzen dituzten erabaki personal horiek,  beraien patua markatuko dute.

“Eran hermanas” Dorothy Whipplek 30eko hamarkadako Ingalaterrara eramaten gaitu. Honetan, hiru ahizpaen bizitza kontatuko digu, hiru hauen bizitza, ezkondu ziren pertsonaren aukeraketak markatuko du. Lucy, praktiko eta lasaia den neskatxak, nagusi eta zoririk gabeko gizon batekin elkartzen da; hauskorra eta ziurtasunik gabekoa den Charlottek, senar nagusi eta erasokor baten eskuetan erortzen da. Azkenik, ederra eta gustiz karismatikoa den  Vera, beregan  interesa ez duen gizon aberats batekin ezkontzen da. Ezkontzak emakumeen bizitzaren norabidea erabakitzen zuen garaian, haien bideak bitan banatzen ziren ezinbestean.

"No más apuestas" Antonio Manzinirena. Rocco Schiavonekm, Romano Favre Saint-Vincenteko kasinoko inspektore ohiaren hilketa konpondu ezinean dabil, misterio berri bat gertatzen denean: Aostako Carige bankura doan furgoi bat desagertzen da inongo arrastorik utzi gabe. Handik gutxira, garraioko zaindarietako bat larri zaurituta eta ia izoztuta agertzen da errepide batean. Rocco bi kasuen arteko loturak ikusiko ditu. Horrez gain, Gabrielerenganako kezkak eta Enzo Baiocchiren mehatxupean egongo da, bere etsairik arriskutsuena, egia konprometigarriak argitara eman zitzakeena.

“La última princesa” Alaitz Leceaga. Lyonen, 1992an, Nora Cortazar, Interpoleko Portaera Zientzien saileko burua eta psikologia kriminalean aditua, Lemonizera itzultzen da bere amaren hiletara. Momentu horretan, herriko zentral nuklearrean gorpu bat agertzen da; hiltzaile ospetsu baten alaba. Norak, bere aparteko memoriarekin,  hilketak sekretu sakonak ezkutatzen dituela susmatzen du, eta iragan mingarria partekatzen duen bere lehen maitalea izandakoarekin batera ikertzea erabakiko du.

"Pan de jengibre" nobela honetan, Helen Oyeyemik, Harriet Leeren istorioa kontatzen digu. Harrietek ama langile arrunta dirudi, eta bere alaba Perdita, ikasle britainiar tipikoa, baina hori baino gehiago diren seinaleak daude. Harrietek jengibrezko ogi berezi bat prestatzen du, Druhástranan ezaguna, bere lagun Gretel Kerchevalekin hazi zen leku urrun eta ia mitikoa, bere iraganean funtsezkoa izan zen pertsona. Urte batzuk geroago, Perdita lagun hori bilatzea erabakitzen duenean, Harrieten benetako istorioa ezagutuko du.

“El lugar de la herida” Laura Baezaren eleberri maitagarria dugu, izan ere, lan honetan kontatzen du, batetik, buru zorrotza eta gizartean onartua izateko gogo handia duen Lucero neska gaztearen bizitza azaltzen digu. Bestetik, Dolores emakumearen bizitza, hau Nancyren ama dena, etsipenez borrokatzen da desagertutako bere alaba aurkitzeko. Elkarri lotutako ikuspegien bidez, narratiba konplexu bat zabaltzen da, helduaroaren ertzean dagoen neska talde baten bizitza aztertzen duena, hiriko periferietako etxe zahar batean giltzapetuta, beren patuak markatuko dituzten erronka eta sekretuei aurre eginez.

KOMIKIAK
“Pigalle, 1950” Pierre Christinen gidoiarekin eta Jean Michel Arroyoren marrazkiekin. 1950ean, Antoine hemezortzi urte besterik ez zituela iritsi zen Parisera, eta Pigalle plazan kokatutako La Lune Bleue kabaret batean laguntzaile gisa lan egiten hasten da. Bere zereginak askotarikoak eta ez oso zehatzak dira: kaldara piztea, edariak zerbitzatzea, showetan laguntzea edo gai susmagarriak zaintzea. Bere bizitzan argi dagoen gauza bakarra Mireille kabareteko lankidearekiko sentitzen duen maitasuna da.

“Spectregraph” James Tynion IV.a eta Christian Warden obra. Los Angelesetik ez oso urrun dagoen Kaliforniako kostaldeko etxe misteriotsu bateko istorioak kontatzen ditu. Gertaera huek, jende askoren jakin-mina piztu du. Bere jabea, enpresari indartsua bat da, ezkutuko eta naturaz gaindikoarekiko erakarpen kezkagarriarekin, han bizi izan zen erabat isolaturik. Urteetan zehar, herrialdeko aberatsenek beren harresien atzean zer ezkutatzen zen jakiten saiatu dira, baina ez dute lortu. Orain ordea, hil ondoren, bere ondasunak salgai daudenez, denek ikusten dute inguruan duen enigma argitzeko aukera.

“Su olor después de la lluvia” José Luis Munuerak, Cédric Sapin-Defourren obra egokitzen du. Egunkariko iragarki bati erantzun ondoren, Cédricek Ubac zakur boiero bat adoptatzen du, eta hamahiru urte irauten duen lokarri sakon bat sortzen da haien artean, bizitza ikusteko modua eraldatzen duena. Ordutik, orainak zentzu osoa hartzen du: zentzumen-aurkikuntzaz beteriko ibilaldiak, jolas-uneak, konplizitatez betetako begiradak eta funtsezko bihurtzen den konpainia isila. Denboraren poderioz ere, Ubac-en oroitzapenak bizirik dirau, euriaren ondoren bizirik dirauen usain maite bat bezala.

“Hereje” Robbie Morrisonen gidoia eta Charlie Adlarden marrazkiekin. Anberesen, 1529an, hilketa bortitzen olatu batek astindu zituen herritarrak. Inkisizioak behartuta, Cornelius Agrippa zaldun, mediku, abokatu eta nigromante ospetsuak hilketak ikertu behar ditu. Gertaerak, geroz eta ilunago eta sarriago gertatzen diren heinean, bera, bere alaba Juliette eta bere jarraitzailea den Johann Weyerrekin batera, heriotza, dementzia eta naturaz gaindiko indarren zurrunbiloan murgilduko da.

“The good asian” Pornsak Pichetshotek idatzia eta Alexandre Tefenkgiren marrazkiekin. Lan honek barne gatazkak eta bere buruarekiko mespretxuengatik markatuta dagoen detektibe txinar-estatubatuar baten istorioa kontatzen du. Detektibe honek, 1936ko San Frantziskoko hilketa batzuk ikertzen hasikp da. Txinako auzoan girotuta, noir estiloko kontakizun hau AEBetan jaio zen lehen belaunaldiari jarraitzen du, Txinako immigrazioa debekatu ondoren, indarkeriazko krimenei, poliziaren gehiegikeriei eta aldaketari aurre egiten dion gizarte bati aurre eginez.

“El anillo de la serpiente” Anna Lina Mattar-en eskutik, Hirugarren Reicharen, Holokaustoaren eta Bigarren Mundu Gerraren itzalpean bizi zirenen belaunaldien arteko erru sakona aztertuko dugu. Ez zen gabon kantarik abesten, ezta Alemaniako herentzia harrotasunez gogora zezakeen ezer ospatzen ere. Zama historiko horrek ondorengo belaunaldiak markatu ditu, eta haien kultura eta komunitateko kide izatearen zentzu osoa sortzea eragotzi du, mina eta oraindik mingarria den iraganarekin adiskidetzeko zailtasuna islatuz.