Abuztuko nobela nobedadeak

Hemen dituzu azken hilabete honetan liburutegira iritsi diren nobela berrien bilketa, eskuragai maileguan eraman ahal izateko. Ion Arretxeren “Relatos” Oarso aldizkarian argitaratu ziren bederatzi kontakizunen bilduma bat da. Historiarako pertsonaiak edo anekdotak erreskatatzen dituzte, hala nola Los Rumberos de Astigarraga; Ijitu de Santxoenea bertsolaria; Ipurtargi, gaueko jauna eta abar. Goizane Aizpuruak “bizitzan hartutako erabakiak zalantzan jartzeko” idatzitako lehenengo eleberria da “Izarak : esperoan ematen den denbora”. Laura Baldiniren “La escuela de la vida” eleberri zoragarria da, Maria Montessoriren benetako historia harrigarrian oinarritua. Jostein Gaarderrek, “Simplemente perfecto” nobela berriaren bidez, gu gure buruarekin eta inguratzen gaituen munduarekin adiskidetzea lortu du. Javier Echalecuren “Lo malo de una isla desierta” hamasei kontakizuneko multzoa da, non paradoxak, kontraesanak eta gogoetak jorratzen diren, gure garaiko gizartea behatzetik sortzen direnak.