Antonio Zavala. Auspoaren auspoa

Antonio Zavala Honoris Causa doktorea da Deustuko Unibertsitatean. Zientzilari eta ikerlari bikain hau, alor horietan aitzindaria, Tolosan jaio zen 1928ko urtarrilaren 23an. Euskaltzaindiako osoko kide da.

1961ean Auspoa argitaletxea sortu zuen eta euskal ahozko literatura eta herri poesiako 300 liburuki editatu ditu jada. 1993an herri narratibako bilduma sortu zuen, 20 liburuki argitaratuak dituelarik. Auspoa ahozko literatura eta herri poesiaren gordekin handiena da, ez bakarrik Euskal Herrian, baita Europan ere.