Apirileko bideo nobedadeak

“El cuarto pasajero”, Alex de la Iglesiak zuzenduta, Bilbotik Madrilera egindako bidaia partekatu baten istorioa da. Bertan, lau bidaiariek egungo gizartearen estereotipoak irudikatzen dituzte: ordenarekin eta lanarekin obsesionatuta dagoen dibortziatu bat, pikaro bat, neska polit bat eta bizitza sentimentala finkatu gabe duen neska gazte bat.

Michel Hazanaviciusen “Corten!”-ek film bat beste film baten barruan sortzeko prozesuaz hitz egiten du. Hiru geruzaz osaturik eta 30 minutuko iraupena duten hiru zatitan banatutako kontaketa markoa. Lehenengo zatian zonbien film bat ikusten da, bigarrenean horren aurreprodukzio prozesua eta, azkenik, hasieran ikusi den filma benetan nola filmatu zen erakusten duen hirugarren zati barregarri bat.

Eskil Vogtek zuzendutako “The innocents” beldurrezko film atipikoa da, erritmo geldoa baina tentsio konstantea duena. Jakina, hori bai, ez dago mundu guztiarentzat egina, batzuentzat oso asaldagarria izan daiteke eta. Haurren antzezpen apartek eta sortutako giro beldurgarri eta gordinak beldurrezko film hau bereizten dute.

“Un año, una noche” Isaki Lacuestaren zuzendaritzapean. 2015eko azaroaren 13ko gauean Parisko Bataclan kontzertu-aretoan izandako atentatu terroristatik bizirik atera eta gero Ramón Gonzálezek idatzitako “Paz, amor y Death metal” liburuan oinarritutako zinemarako egokitzapena.

“María Lejárraga, a las mujeres de España” Laura Hojmanek zuzendutako dokumental fikzionatua da. Maria Lejárraga idazle eta Espainiako feminismoaren aitzindariaren historia kontatzen du, joan den mendeko 20ko hamarkadan kokatzen dena. Haren ekoizpena bere senar Gregorio Martínez Sierra antzerki-enpresariaren izenpean argitaratu zen.

Jacobo Martinezek zuzendutako “13 exorcismos” Espainiako azken exorzismo kasuetako batean inspiratuta dago. Ezagutzen ez denaren beldurraz hitz egiten du, eta erlijio-sinesmen batzuk gaizki kudeatu daitezkeela eta benetako terrore-egoerak sor ditzaketela azaltzen du.

“Los renglones torcidos de Dios” Oriol Paulok zuzendutako suspense psikologikoko film espainiarra da. Torcuato Luca de Tenaren izen bereko eleberriaren egokitzapena.

“La mujer rey” Gina Prince-Bythewoodek zuzendutako epopeia historikoa da. Dahomeyko Erresuman, XVIII. eta XIX. mendeetan Afrikako estatu boteretsuenetako batean gertatu ziren benetako gertakarietan inspiratua.