Apirileko komiki eta eleberrien nobedadeak

Iritsi berriak dira nobedade hauek mailegura. Azken asteetan jasotako fikziozko lanen zerrenda duzue jarraian, eta baita horien arteko aukeraketa bat ere modu xehetuagoan. Hemetxe irakurri, estekaren bidez katalogara sartu eta erreserbatu dezakezue gustukoena gero bila pasatuz (Errege-Erregina katolikoen kaleko 16 zenbakian). Gozatu!

ELEBERRIAK:

Mathilde Forget-ek idatzitako “Por voluntad propia” eleberriak igande goiz batera eramango gaitu. Bere borondatez polizia-etxean agertu da, gaua gizon batekin pasa ondoren. gogoratzen saiatu arren, xehetasunak nahasiak baitira. Ronaren zaporea sentitzen du, oraindik galdezka ari zaizkionean. Aztarnak hartzen dizkiote, psikologikoki ebaluatzen dute eta abokatu batek bere defentsa prestatzen du. Lagunek saihestu egiten dute, eta zalantza sartzen zaio: agian delitu bat egin ote zuen. Izaera autobiografikoko eleberri bat, suspensez betea, sexu-eraso baten gaia jorratuz.

Leire Lekuonaren “Bizirik dirauena”. 1981ean, Sebastianek Amsterdamerako trena hartu zuen. Han Len ezagutuko du, hirurogei urte inguruko ingelesa. Bien arteko adiskidetasuna pixkanaka sendotzen da, eta mostazadun ogitartekoak jaten dituzten bitartean, Lenek Bigarren Mundu Gerran bizitako krudelkeriak kontatuko dizkio Sebastian gazteari.
 
Katharina Volckmer-en “Polvazo” eleberrian, Londreseko call center batean lan egiten duen Jimmie-ren abenturetan murgilduko gara. Lan honetan, bizitza geldi dutela diruditen lagunez inguratuta dago. Honetaz aparte, ezpainetan karmina darama, diru-zorroan hildako baten ilea eta ama alargun baten zama. Eleberri honek gizarte kapitalistetako bakardadea, galera, amets zapuztuak eta desira asegabea aztertzen ditu.

“La casa de verano” Masashi Matsuie-ren lan honetan, Tôru Sakanishi arkitekto graduatu berria da protagonista. Sakanishi, Frank Lloyd Wrighterren ikasle izandako Shunsuke Muraik zuzendutako Murai estudio ospetsuan hasiko da praktikak egiten. Estudioko sentsibilitate artistikoaz liluratuta, gogo biziz ekin dio lanari. Udan, taldea Murairen etxera joango da, Asama mendiaren magalean, lehiaketa arkitektoniko bat prestatu asmoz. Bertan, proiektuaren eskakizunaren eta inguruaren xarmaren artean, Sakanishi bi lagunenganako erakarpenak astinduko du.
 
Inma Chaconen eleberri berria, “Los ojos de Bruna” eleberrian tragediak Altaslomasko bizkondearen familia kolpatuko du berriro. 18 urteko alaba hilda aurkitu dute, lepoan ebaki bat zuela, izebak kinkea kargatzeko bakarrik utzi eta minutu gutxira. Lekuko bakarrak dio bi gizon kaputxadun ikusi dituela ihes egiten, baina susmo guztia biktimaren aitaren gainean jarriko da. Aita eta alabak ezohiko harremana baitzuten, eta aita ez dago ikerketan laguntzeko prest. Isiltasunak eta gezurrek kasua inguratzen duten bitartean, badirudi erruduna familiaren barruan dagoela.
 
Amaiur Epher-en “Haize beltza” eleberrian Tomas  da protagonista gaztea. Hau haizearen antzera ibiltzen da,euskal literaturan nor izan nahi duen ikertu nahian, idazle idor eta kexati gisa. Ironia eta bere buruaz barre eginez, bere hirugarren liburua idazteko aitzakiak bilatzen ditu, hainbat pertsonari aholkuak eskatuz eta sormen prozesuari bidea emateko ahaleginak eginez. Bidean, bere buruan haizearen zama okerrak sartzen zaizkio. Irakurleok, haren urratsak jarraituz, literaturari, idazketari eta adiskidetasunari buruzko pentsamenduak aurkituko ditugu, azken mendeetako kultura ibilbidearen zati bat osatzen den bitartean.

KOMIKIAK:

Manuel A. García Iglesiasen “Eternidad” lanak paradoxa bat aztertzen du, nola Alemania, tradizio kultural aberatsa duen herrialdea, nazismoa bezalako izugarrikerien sorburu ere izan zitekeen. Obrak Bigarren Mundu Gerrako gatazka germaniar-sobietarra aztertzen du, edertasunari eta izuari aurre eginez, eta irudi multzo batean laburbiltzen du: hamahiru zaldi Schubert entzuten, soldadu nazien orkestra batek Stalingradoren neguan musika jotzen duen bitartean.

 “Le llamábamos Bebeto” Rey-ren komikiak, galera, heldutasunerako aldaketa eta hiri periferiko batean, nortasuna bilatzea bezalako gaiak jorratzen dituen komikia da. Denek ezagutzen zuten Bebeto bezala, eta hori zen axola zuen gauza bakarra, bere benetako izena bigarren mailan geratzen zen. Ez zekiten asko berari buruz, baina hori ez zen inoiz arazo bat izan. Reyk, ingurune monotono batean hezitzearen konplexutasunak lantzen ditu. Horretaz gain, 90eko hamarkadan hazi zirenen haurtzaroa ekartzen du gogora.

Cassandra Calin-en “En serio, es broma” komiki hau ezin hobea da egunerokotasunean umoreaz gozatzen dutenentzat. Eguneroko bizitzako baldartasunak oso ondo lantzen ditu komikigileak. Komiki herrikoiak eta argitaragabeak biltzen dira lan honetan. Gainera, Cassandra Calin-ek bere sortze-prozesua partekatzen du, inspiraziotik ilustrazioraino, arrunta dena nola bihurtzen duen umorezko komunikazioa.

Andrés Garrido-ren “Carcoma” komikia, erbesteratuta eta noraezean dabiltzan pirata talde bat protagonista duen komikia. Lurra saihestuz eta bere patuaren zain daude pertsonaiak. Bakoitzak iragan mingarri bat ezkutatzen du, kapitainari men egiten diote, kapitaina gizon gogor eta bortitza baita. Baina bere itsasontzia, Karkoma, uharte huts batean hondatzen denean, ustekabeko zerbait aurkitzen dute: itsas izaki bitxi bat.
 
Dash Shaw-ek “Todo abruma” komikia dakarkigu. Gizon batek, ezkontza baterako bi alkandoraren artean ezin du aukeratu. Modelo batek lanbidetik erretiratzea pentsatzen du. Emakume bat bere betaurrekoen aukeraketan murgilduta ikus dezakegu. Gidari bat laino lodi batean desorientatzen da, eta ez du aurkitzen nola itzuli. Dash Shawk eguneroko erabaki eza intrigazko une bihurtzen du, ironia eta urduritasuna uztartuz. Gainera, bere kontakizunei, amaiera hunkigarri eta poetikoa ematen die.
 
Gaëlle Genilleren “Después de medianoche” komikian, Guerlain eta bere seme Nisse aurkituko ditugu. Bi hauek, familiaren etxe zaharrera joan dira bizitzera. Etxe honetan, denborak eta oroitzapenek, basoaren murmurio eta zuhaitzen itzalekin bat egiten dute. Guerlainek insomnioa duen bitartean, Nissek etxean ibiltzen den presentzia batekin bat egiten du. Izaki honek, ordea, ongi etorria emango dien edo arriskuan jarriko dituen jakin beharko dugu.