Artisten ahuleziak edo baldintza egokien gabezia?
Kultur sektorearen garapenean murgiltzea eta lanbide iraunkorra egitea gero eta zailagoa da. K bulegoan badakigu baldintza askorekin zerikusi duen lanketa konplexua dela eta interesgarriak iruditu zaizkigun irakurgai hauek partekatu nahi ditugu zuekin.

Kultur sektorearen garapenean murgiltzea eta lanbide iraunkorra egitea gero eta zailagoa da. Artista eta kultur eragileek beren lana duintzeko egin beharreko etengabeko lanketa eta ekintza aldarrikatzaileak beti izan dira lanaren parte.
K bulegoan badakigu baldintza askorekin zerikusi duen lanketa konplexua dela eta interesgarriak iruditu zaizkigun irakurgai hauek partekatu nahi ditugu zuekin.
Kulturaren Euskal Behatokiak bere ikerlanen artean dituen bi dokumentu hauek aukeratu ditugu.
Egin dugun hautaketan artisten profesionalizatzeari begira eman beharreko pausu eta lanketak daude. Irakurketarako tarte bat bilatzera animatzen zaituztegu, gure lanketen inguruko hausnarketa tarte moduan, egiten duguna nola kudeatu eta klabe iraunkorretan lantzea helburu duen hausnarketa tarte bat izan dadin.
Artistentzako eta kultura-arloko profesionalentzako etorkizuneko aukerak txostenak arte-lanaren berariazkotasuna aztertzen du; hain zuzen, lanaren behin-behinekotasuna eta kolektiboaren heterogeneotasuna direla-eta, egungo legegintza testuinguruan sartzeko zailtasunak. Arazo horrek zenbait diskriminazio dakartza zergen, gizarte-babesaren eta lan-babesaren ikuspuntutik; hortaz, legeria berriaren beharra justifikatuta dago. Jarraian, Artistaren Estatutu Berriaren proposamenaren edukia laburbiltzen da eta egin daitezkeen aurrerapenen arloan EAErako dauden aukeren berri ematen da. Begirada osatzeko, nazioartean atzemandako elementu esanguratsuenak aztertzen dira.
Ondoren Joan Moreyk, Hezkuntza, Kultura eta Kirol Ministerioko Arte Ederrak Sustatzeko Zuzendariordetza Nagusiak antolatutako formazio batean eskainitako lan dokumentua aurkezten dizuegu, Herramientas de profesionalización para artistas, bertan artisten profesionaltasunaren inguruan agertzen diren klabeak garrantzitsuak iruditu zaizkigulako. Ikus-entzunezko artista profesionalizatzeko berariazko prestakuntza-materiala da, nahiz eta bertan agertzen diren ideiak kontutan hartzekoak diren artearen beste arloetan ere.
-
2023 urteko lehen erdiko saio irekiak eta formazioak: kronikak eta baliabideak
K bulegoak Gipuzkoako kultur sektorearen garapenerako ikaskuntza esperientziak bultzatzen ditu. Hilabetez hilabete, saio irekiak eta formazio saioak tartekatzen dira, sorkuntza, komunikazioa eta kudeaketa alorretan ezagutzak partekatu eta lurraldeko eragileen arteko elkar ezagutza sustatzeko xedez
2023-08-21
-
"Zein da gure ekimen artistiko eta kulturalen balio pedagogikoa?" saio irekiaren kronika
K bulegoak ekimen artistiko eta kulturalen balio pedagogikoaz hausnartu zuen, oporren aurreko azken saio irekian. Santa Teresa komentura hurbildu ziren Gipuzkoako kulturgileen gogoetak kronikan bildu ditugu, eztabaidari jarraitzeko asmoz
2023-07-19
-
"Kultur ekimen profesionalak sendotzeko gakoak" izeneko formakuntzaren baliabidea
K bulegoak elkarrizketa formatuan antolatu zuen formazioa saioa, kultura ekimenen sendotzeari buruzko hausnarketa irekia eragiteko asmoz. Bi aditu eta aritu jardun ziren hainbat gako Gipuzkoako kulturgileekin lantzen. Bertan jorratutakoa baliabide batean bildu dugu
2023-07-12
-
Artistaren Estatutuaren gaineko baliabideak
K bulegoak bi baliabide sortu ditu Artistaren Estatutua hobeto ulertzeko xedez. Batak esparru orokorra azaltzen du eta besteak haren eragina Arte Eszenikoen esparruan
2023-06-27