Azaroko bideo nobedadeak

Hona hemen urrian iritsi eta katalogatu diren bideo berrienak. Eskuragai daude mailegu bidez etxera eraman ahal izateko edo liburutegian bertan ikusteko. Rémi Bezançonen “La biblioteca de los libros rechazados” iritsi da. Film polit bat aurkituko dugu, titulutik hasita oso originala, umore sarkastikoarekin, trama arinarekin eta intriga eramangarria duena. Oso pertsonaia gizatiar eta erraz ezagutzen direnak dira, eta erraza da beraiekin identifikatzea. Olivier Assayasek zuzendutako “Dobles vidas” Woody Allenen komedien antzekoa da, baina ardo gehiagorekin. Film distiratsua, atsegina, entretenigarria eta biziki argia da, burutazio oso interesgarriekin osatua.