Azaroko interesguneak

Azarorako interesgune berriak prestatu ditugu Liburutegian, oraingoan musikarekin zerikusia dutenak. 0 solairuko sarreran musikariek idatzitako liburuak aukeratu ditugu, Patti Smith abeslari iparramerikarrak idatzitako biografia- eta poesia-lanei apalategi bat eskaini diegu, eta Libros del Kultrum argitaletxearen argitalpenak ere aurkeztu ditugu, irakurle audiofiloentzat mimoz hautatutako testuak argitaratzen dituena. 1. solairuan, interesgune nagusia gaur egun musikari buruz argitaratzen ari diren liburu aukeraketa bat da, eta txokoetako erakusketa-apaletan musikarien eta musika-taldeen biografiak prestatu ditugu, alde batetik, eta bere lanak musikaz blai betetzen dituen Kiko Amat idazle katalanaren liburuak, bestetik. Fonotekan, musikariei buruzko filmen eta musika dokumentalen sorta batek osatzen ditu hileko gomendioak.