Azaroko musika nobedadeak

Hona hemen irailean iritsi eta katalogatu diren CD berrienak. Eskuragai daude mailegu bidez etxera eraman ahal izateko edo liburutegian bertan entzuteko. Eraso!, Zarauzko musika talde beteranoak bederatzigarren diskoa argitaratu berri du, ‘Inoren lurretan’ izenekoa. Bizitza eta gizarte gaiez eta estilo trinkoan Sergio Ruiz Gonzalez-Txabarrik, taldeko kantari eta gitarrajoleak, idatzitako sei kantaz osatuta dago. Xabi Bandinik, lehenago Kerobia taldean ahotsa, gitarra eta konposizio egilea zenak, bakarka egindako bere lehen diskoa argitaratu du,  “Begibakar” izenekoa. Hamar abesti jasotzen ditu, euskara eta gaztelania nahastuz.