Bazterrak Marrazten liburuaren aurkezpena

Bihar, goizeko 11tan, Koldo Mitxelena Kulturuneko lehen solairuan, ‘Bazterrak Marrazten’ liburua aurkezten da.

Tabakalerak sortutako Scanner Ibiltaria proiektuaren barnean Koldo Mitxelena Kulturuneak egin duen proiektua da Bazterrak Marrazten.

Ricardo Azkargorta, Dei Gaztelumendi, Udane Juaristi, Josu Maroto eta Julen Ribas artistek arratsalde batean egin zituzten 29 marrazkien bilduma bat da, Koldo Mitxelena Kulturunearen eraikina eta Tabakaleraren eraikina margotuz gehien bat. Liburu bat sortzeko bete behar diren fase guztiak kronologikoki egitea izan da Bazterrak Marrazten liburuaren helburu nagusia.

Ondoren, Scanner Ibiltaria erabili zen marrazkien eskaneatzea egiteko. Imanol Tapiak marrazkiak mihise ezberdinetan maketatu egin zituen, bihar bukatzen den Bazterrak Marrazten erakusketa burutu ahal izateko.

Horregatik eta proiektu honi amaiera emateko, ‘Bazterrak Marrazten’ liburua proiektu osoa irudikatzen duen azken emaitza da. Oso artista onak parte hartu duten proiektua. Luxo bat. 

{jcomments on}