Borja Cobeagak eta Diego San Josék, Gorka Otxoarekin batera, VI. 'Crossover Telesailen Kultura Jaialdia' inauguratuko dute

Crossover Jaialdia, telebistako serieetan oinarritua, martxoaren 27tik apirilaren 1era izango da. Koldo Mitxelena Kulturunea eta Tabakalera izango dira egoitza nagusiak eta ekintzeetarako zein seriefiloentzako leku erreferentea bihurtuko da.

Zer dakigu momentuz festibalari buruz?

Borja Cobeaga eta Diego San José gidorilari eta zuzendariek festibalari hasiera emango diotela badakigu. Gainera, egun hori aprobetxatuko dute “Turra Tour” proiektuaren geldigune berezia egiteko eta biak lehen aldiz batu zituen proiektua omentzeko.

Gainera, ez dira bakarrik egongo. Mariola Cubells kazetaria saioaren gidaria izango da, non bi zuzendariek beren bizitza sortzailea, miseriak eta une gogoangarriak kontatuko dituzte, eta azalduko dute nola iritsi diren honaino.

Bestalde, Gorka Otxoa aktorea ere haiekin egongo da, arrakasta handia lortu duena orain Machos Alfa telesailari esker, eta aktore bezala Cobeaga eta San Joseri lotuta dagoena hasieratik.Laburbilduz, lehen topaketa honetan, “Turra Tour” proiektuaren saio berezia bihurtu dena, bi profesionalen bizitzaren errepasoa egin ahalko dugu, EITBko Vaya Semanita telesaila omentzen dugun bitartean parte hartu zuen euskal aktorearekin.

Crossover Telesailen Kultura Jaialdiaren seigarren edizioa

Lehenengo saio honek jaialdia irekiko du, eta seigarren edizio honetan, serieen kultura aberats eta zabalari helduko dio festibalak berriro hainbat ikuspegi eta formatutatik: eztabaidak, estreinaldiak, elkarrizketak… Eta noski, fan fenomenoa ahaztu gabe.

Horretarako, Crossover. Telesailen Kultura jaialdiak berriro bilduko ditu telebistako sorkuntzaren erreferenteak, ikusi-entzunezko kritikaren profesionalak eta telesailek planteatzen dituzten eta eztabaida sortzen duten gaietako adituak.

Crossover Telesailen Kultura Jaialdiak aurten ere Donostiako Zinemaldiaren lankidetza izango du, baita beste aliatu garrantzitsu batzuena ere, hala nola, Donostia Turismo, Tabakalera edo Kutxa Kultur. Gainera, 2deo ikus-entzunezko laborategiak ere bat egingo du 2deo Serieak telesail proiektuak garatzeko programaren bidez eta “Serie hablada” bere programaren saio bat egingo du jaialdian.

Crossover. Telesailen Kulturak bat egiten du Koldo Mitxelena Kulturuneak antolatutako jaialdien ildoarekin. LUMAfest-en bidez, gazteentzako lanak irakurtzen gozatu genuen, eta Parentesi Festibalaren bidez, uneko podcast-ak entzun ahal izan genituen. Crossover Jaialdiarekin, uneko serieak ikusi eta horiei buruz hitz egin ahal izango dugu. Koldo Mitxelena Kulturuneak zinemaren eta telesailen alde egindako apustu honek, bat egiten du Gipuzkoako Foru Aldundiko Kultura Departamentua esparru horretan garatzen ari den ikus-entzunezko proiektuak lagundu, sustatu eta hedatzeko ekintzekin.