Bueltan dira ‘Dock Of The Bay elkarrizketak’, musika eta zinemaren inguruko hizketen plaza

Maiatzaren 3 eta 4ean, Dock Of The Bay elkarrizketak saioetaz gozatu ahal izango dugu. Elkarrizketari eskainitako jardunaldi hauetan, zinemaren eta musikaren alorreko gonbidatu ugari izango ditugu, horien ideiak eta proposamenak garatzeko. Entzuteaz gain, parte hartzeko aukera izango dugu testuinguru atsegin eta hurbil honetan.

Gipuzkoako Foru Aldundiko Kultura, Lankidetza, Gazteria eta Kirol Departamentuaren babesa duen proiektu honek, Mark Fisherren Hauntologia obra oinarri hartuta, galdegiten digu ia egun zinemagintzan kontatzen dena ez al dagoen jada iraungita. Hauntologia Nostalgia politika edo estetika bezalako egoera eta errealitateetara zabaltzen ari den unean agertzen da, kutsu hori egungo soinu askotan, tipografia diseinuetan, remake-etan eta, orokorrean, atzerako begiraden premian arakatu daitekeelarik. Guzti horrek geure buruari honako hau galdetzera bultzatzen gaitu: nola irudikatzen dugu zinemaren etorkizuna? Zer erronka aurkezten dizkigu eta nola kontatzen dira istorioak?

Zalantza edota galdera horiei erantzuteko, bi elkarrizketa izango ditugu bi egunetan zehar. Lehena, maiatzaren 3an, asteazkena, 19:00etan ospatuko da, eta Isabel Fernández konpositore eta ekoizlea, Laia Quílez Komunikazioko irakasle eta doktorea eta Felipe Rodríguez kritikari eta dibulgatzaile kulturala gonbidatuak izango ditu. Horrengo egunean, ordu berean, gure artean izango dira Joan Pons, erredaktorea, idazlea eta kritikaria; Alba G. Mora, editorea, eta Yago París, Zinema ikasketetan doktoregaia.

Gogorarazi edizio honetan film luze eta labur onenari ematen zaizkion Dock of the Bay 2023 Sariak eta kategoria berdinetan eskaintzen diren Publikoaren Sariak banatuko direla, azken hauen irabazleak diru-laguntzarik jasoko ez dituztelarik.

Informazio gehiago eskuragai jaialdiaren webgunean.