Cartooning for peace

Cartooning for Peace | Dessins pour la Paix (Bakerako marrazkiak) erakusketa 2006an sortu zen. Danimarkako aldizkari batek Mahomaren karikatura batzuk argitaratu zituen eta munduko bazterrak nahastu zituzten.

Adierazpen askatasuna kolokan jarri zen, horrek mugak izan behar zituela zioten batzuek, gai tabuak ez zutela egon behar zioten besteek.

Eztabaida sutsua sortu zen mundu osoan: erlijioak adierazpen askatasunaren gainean egon behar zuten ala ez. Erantzun zaila duen galdera.

Eztabaida hori pil-pilean zegoela, Le Mondeko Plantu marrazkilari ezagunak eta Kofi Annan Nazio Batuen Erakundeko orduko idazkari nagusiak mundu osoko hogei bat marrazkilari ezagunen marrazkiak bildu zituzten eta Cartooning for Peace jaio zen.

Harrezkero, Cartooning for Peace erakusketak mundu osora esportatzen dira eta sareko marrazkilari kideen kopurua gero eta handiagoa da (gaur egun, 40 nazionalitatetako 130 marrazkilari).

Non: Ganbaran

Noiz: 2014ko irailaren 11tik urriaren 2ra

Ordutegia: asteartetik ostiralera : 16:00 - 20:00 / larunbatetan: 11:00 - 14:00, 16:00 - 20:00

{jcomments on}