deKalogoa. Zuriketa eta ebaluazioa, proiektuak egonkortzeko aukera

K bulegoak formakuntza saioa antolatu zuen Gipuzkoako kultura eragileentzat 2023ko azaroaren 16an, kudeaketaren zuriketa eta ebaluazio atalak sendotu eta horretarako gaitasunak lantzeko xedez. deKalogoak saioan landutakoa laburbiltzen du.

Urte amaieran zuriketa izaten da kultura proiektuak burutzeko azken zeregina, bereziki dirulaguntza deialdien esparruan. Kudeatzaile askok betebehar etsigarritzat hartzen dute egitekoa, azken ordainketa jasotzeko urrats saihetsezintzat, baina proiektuak behar bezala ebaluatzeko abagunea da une hau, egitasmoa bera jasangarriago eta egonkorragoa izan dadin. Are gehiago, proiektuak egoki kudeatzeko oinarrizko zeregina da.

Álvaro Fierrok gidatu zuen saioa. Fierro Ekonomian doktorea da Euskal Herriko Unibertsitatean, eta Ekonomia Aplikatua eta Kultura gurutzatzen diren esparruan dihardu ikertzaile eta irakasle. Era berean, proiektuak ebaluatzen aditua da, hainbat kultura erakunderentzat jorratutako lanei esker.

deKalogoa 
Zuriketa eta ebaluazioa, proiektuak egonkortzeko aukera


Irudia. Silvia López de Lacalle Gurruchaga