Dzirt-Dzart bideoan

2017ko ekainaren 9an ospatu zen Komikigunean Dzirt-Dzarten lehen saioa. Saio berritzailea gure inguruan, Frantziar telebistan aspaldian egin ziren saioetan oinarrituta (Tac au tac), eta bertsolaritzan erabiltzen den saioen prozedura imitatuz sortutakoa.
Bertan parte hartu zuten Iñigo Astizek, gai-jartzaile lanetan, eta Antton Olariaga, Asisko, Axpi, Dani Fano, Exprai eta Marko komikigileek, zuzeneko marrazkiak egiten. 6 komikigile bi orduz aritu ziren Iñigok jarritako gaien inguruan paper zuriak marrazten binaka, bakarka zein taldeka. Hemen duzue, sortu zen giroaren erakusle, bideo labur bat.