Dzirt-dzart + Harria Hitz Usurbil

Dzirt-dzart saioa Usurbilen
Irailak 28, 11:15 Potxoenea
Gidari: Idoia Torregarai
Komikigileak: Antton Olariaga eta Joseba Larratxe ‘Josevisky’

Aurten Dzirt-dzart saioak eraberrituta aurkeztu nahi dizkizuegu. Komikigunean egin beharrean hemendik kanpo eta probintzian zehar burutuko ditugu aurten Dzirt-dzart saioak.

Lehen saioa Usurbilen egingo dugu eta bertan tokiko artistek parte hartuko dute. Aurkezle lana Idoia Torregarai kazetari zein gidoilariak burutuko du eta komikigileak berriz Antton Olariaga eta Joseba Larratxe ‘Josevisky’ izango dira.
Dzirt-dzart saioaren muina bapatekotasuna izan ohi da momentuan emandako gaien arabera marraztuko baitute zuzenean komikigileek. Bertso saio baten antzera baina errotulagailu eta arbelak lagun gisa dauzkatela lan egingo dute Antton eta Josebak.

Usurbilen egun berean eta aurretik egingo den Harria Hitz bisitarekin lotuko dugu. Harria Hitz Usurbileko arte garaikidea ezagutarazteko bisita da. Bertan azaltzen dira dema plaza, Zumetaren murala, Udarregiren monumentua e.a. Bisita honetan azaltzen da Usurbileko harreman estua arte eta kultura garaikidearekin. Animatu zaitezte, Usurbileko bisita kultural hau egin eta ondoren umorez hartuko dugun Dzirt-dzart saioa dastatzera.

Izena eman behar da bisitan parte hartzeko:
info@kultour.pro
688 818 017

Dzirt-dzart saio baten bideoa
Harria Hitz Usurbil