Elena Martín, Laura Ferrés eta Javier Macipe "Zinegileen arteko elkarrizketak" izango dituzte otsail biribil bat ixteko

Espainiako Errege Akademiaren arabera, RAE, “opera prima”, egile baten lehen lana da. Hori dela eta, unibertso zinematografikoan murgilduz, Elena Martín, Laura Ferrés eta Javier Macipe izango ditugu.

Elena Martin Gimeno aktorea eta zuzendaria da. 2017an egin zuen debuta Julia ist (2017) film luzearekin. Film onenaren eta zuzendaritza onenaren Zilarrezko Biznaga saria irabazi zuen Malagako Zinemaldiko Zonacine sailean (gozatu bere azken lanetako batekin, Creatura, Filminen).

Bere lankidea, Ferrés, ere zuzendari eta gidoilaria da. Zinema Zuzendaritzan graduatu zen Espainiako Zinema Eskolan. Bere karrera amaierako proiektua, A perro flaco (2014) film laburra, nazioarteko 40 jaialdi baino gehiagotan hautatu zuten.

Macipe, berriz, hiruren artean zaharrena da (37 urte ditu), eta Zaragoza hiriburuak jaiotzen ikusi zuen. Variety aldizkariak nazioartean oihartzun handiena duten hamar zuzendari espainiarretako bat izendatu zuen. La estrella azul, azken Zinemaldiko New Directors sailean estreinatua eta Gazteriaren TCM Sariaren irabazlea, bere bigarren film luzea da.

Ziklo honen helburua da zinema sormenaren zirrikituak ikasleei eta zinemazaleei hurbiltzea, ikuspegi desberdinetatik, lan kolektiboaren garrantzia azpimarratuz. Gogoratu, gainera, Donostiako Alde Zaharreko Santa Teresa komentuan izango ditugula elkarrizketak, gure “etxeko” lanak direla eta.

2024ko lehenengo seihileko saioak EZ dira zuzenean igorriko. Ekainetik aurrera eskuragarri egongo dira.