Elvira Lindo

Elvira Lindo (Cadiz, 1962) idazle eta kazetaria da. Manolito Gafotas pertsonaia sortu ondotik heldu zitzaion ospea. Mutiko hau protagonista zuen liburu bati esker eskuratu zuen, hain justu, Haur eta Gazte Literaturaren Sari Nazionala 1998an: Los trapos sucios de Manolito Gafotas. Orobat helduei zuzendutako nobelak eman ditu argitara, besteen artean Una palabra tuya (2005), Seix Barralen Biblioteca Breve saria lortu zuena, edota Noches sin dormir (2015), New Yorken igaro zuen azken neguaren egunkari pertsonala. Zinema nahiz telebistarako gidoiak sinatu ditu eta komunikabide zenbaitetan egin du lan.