Erakusketa: Bila dabiltzan begiak, galdezka ari direnak eta ikusi egiten dutenak

Liburutegian erakusketa, azken egunak:

"Bila dabiltzan begiak, galdezka ari direnak eta ikusi egiten dutenak. Espedizionario erromantiko baten oharrak" José Marik lurreko lekurik ederrenetan barrena egindako esplorazioetako ohar, hausnarketa eta argazki hautaketa txiki bat da.

Bere "esentzia" da, bere horretan. Gozatzen ditugun irudi eta hitz guztiak José Marirenak dira, eta bizitza eta zoriontasuna ikusteko zuen modu bereziaren isla dira, mugimendu iraunkorraren bidez, nomada ibiltze etengabearen bidez, bagajez arin handik hona, inora ez doazen bideetan barrena, ez bada norberaren baitatik gertuago.

Gizakiaren eta kultura txikien defendatzaile handia, haien begiraden atzean begiratzera ausartzen da. Egunerokoa gertutasunetik erretratatzen du, sentsibilitatez eta umiltasunez.   

Lur honetako bazter guztiak ezagutzeko pasioak bizitza ilusioz eta baikortasunez ikustera eramaten du, bizitza trinkoki bizi behar den opari handi gisa.

"Bila dabiltzan begiak, galdezka ari direnak eta ikusi egiten dutenak" José Mari Elósegui espedizionario erromantiko handi baten begi atseginak dira, jakin mina dutenak, larriak eta sentikorrak.

José Mari Elósegui Itxaso, Espainiako Sozietate Geografikoaren "Imagen saria" 2014 Zuzenbidean lizentziatua EHUn (Donostia). "Esploradorea, bidaiaria, gidoilaria eta dokumetal egilea. Irakurtzeko zuen pasioak Donostiatik mundua amestera eraman zuen, eta gero munduan barrena ibiltzera; irakurtzea eta munduan barrena ibiltzea ziren bere pasio eta izateko arrazoi. Triatleta, eskiatzailea eta mendigoizalea, José Mari iristen zailak ziren lekuetara iritsi zen, eta gida eta aditu izan zen munduko natura bide ederrenetan. Irakurketak eta bidaiak dokumental bikain bihurtu dira" (SGEren webean argitaratutako textua). José Mari Elóseguik parte hartu duen dokumental batzuk: Ekoizpen zuzendaria eta dokumentazioa “La ruta de los exploradores (1994-95)“ seriean, gidoilari gainera “La ruta de Samarkanda (1998-99)“n; ideiaren egile eta zuzendarietako bat “Sahel, la frontera herida (2000-01)”n; errealizatzaile “Los ojos del Himalaya (2004-05)”n, filmazio zuzendari, gidoilari eta errealizadore “La sonrisa de los Inuit (2007)”n, eta filmazio zuzendari eta muntaia "España en África" (2011)”n. Zuzendari eta gidoilari bere arreba María Elóseguirekin batera "El peine del viento en San Sebastián. Ingeniería de su colocación por el ingeniero Elósegui Amundarain” (2008).

Liburutegia, 1. solairuan
2016ko ekainak 8tik uztailak 8ra
ABUZTUAREN 6ra LUZATUTA
Liburutegian sartzeko ordutegia