Euskal sorkuntza lanak Xabiroiren ale berrian

 

Xabiroi euskal komikigileen aldizkari eta erakusleihoa aldi berean. Bertan argitaratzen dira hainbat istorio bertako gidoilari zein marrazkilari eta koloristek aldizkarirako espreski sortuta. 2022ko lehen alea atera berri da otsailean, 63. zenbakia. Bertan bildumatu dituzte euskarazko azken komiki argitalpenak, komiki tirak zein komiki serie batzuen atalak, eta baita komikigileei egindako elkarrizketak ere.

 

Ale honetan Xabiroi aldizkarian dagoeneko ia finkoak diren bi serieren jarraipena dator, Sanviren ‘Auzomorro’ eta ZaldiEroaren ‘Arranotxu, euskal gerlari mitikoa’. Baita komiki tirak ere, Aritz Irigoienen ‘Xabiroienea’, Manu Ortega, Exprai eta Asiskoren tira bana, hurrenez hurren, ‘Haizea’, ‘Pertza ustelaren  gogoeta antzuak’ eta ‘Horkonpost’.

 

 

Uxue Alberdi eta Susanna Martinen ‘Surflaria’ seriea, 2020ko urrian hasi zen argitaratzen atalka. Aurrez bi artista hauek lan egin izan dute ere elkarrekin ‘Su txikian’ 2019an argitaratu zen komikian. 

 

 

Iban Zaldua eta Julen Ribasen ‘Botere handi batek’ serie hasi berria baina egile aski ezagunak dira, elkarlanean burutu zuten ‘Azken garaipena’ komiki albuma ere duela hamar bat urte.

 

Komikitaun elkarrizketan Beñat eta Unai Gaztelumendi elkarrizketatu ditu Andoni Imazek Bertsolari aldizkarian argitaratu duten ‘Bidea da borroka’ komikiari buruz luze eta zabal hitz egin dute bertan.

 

 

Shu Otero jaiotzez Sunbillakoa eta bizipenez mexikarra den komikigile gaztearen ‘Garden’ komikia. Istorio hau marrazkiak sortu du, eta marrazkiak eramaten zaitu haize korronte bat bailitzan hasieratik amaieraraino, ez dago hitzik, ez soberan eta ezta faltan ere.

 

 

Idoia Torregarai gidoilari, Alex Orberen marrazkiak eta Garluken kolorea du ‘Josunestilist, laka arteko egunak’ umorezko komikiak. Lehen alea 2019ko 54. zenbakian argitaratu zen eta orain bigarren atala atera da.

 

 

Eta ezin aipatu gabe utzi, komiki sorkuntza lan guzti hauen koordinazio lana Dani Fano komikigilearena dela aipatu gabe, argitalpena berriz Ikastolen Elkartearena da. Gainera, ale honen azala Xabier Sagasta ilustratzaileak burutu du.