FMR - Franco Maria Ricci-Artea eta argitarapena

Erakusketa honen helburua erabiltzaileek normalean ikusteko aukerarik ez duten Liburutegiaren ondareko liburuak ezagutaraztea da.

Franco Maria Ricciren argitalpenekin hasteko ideia ez da oinarririk gabea. Lehenik, edizioen edertasunak, gaien originaltasunak eta testu-egileen kalitateak, horiek denek Ricciren liburuak begiestera gonbidatzen gaituzte. Bigarrenik, Riccik editaturiko ia lan guztiak dauzka Koldo Mitxelena Kulturuneko Liburutegiak. Azkenik, eta Riccik berak dioenez, arte grafikoa aztertzerakoan bere liburuak giltzarri izango dira urteak aurrera joan ahala. Ale asko eta asko, dagoeneko agortuta daudenak, ez dira sekula berriro argitaratuko.