Harkaitz Canok idatzitako eta Tanttaka Teatroak ekoiztutako 'Mundua pitzatuta dago baina hantxe gabiltza oinez' emanaldiaren bi saiotarako inskripzioa

Koldo Mitxelena Kulturuneak, abenduaren 16an, larunbata, Santa Teresa Komentuan (Donostiako alde zaharrean) duen egoitzan Mundua pitzatuta dago baina hantxe gabiltza oinez antzerki lanaren bi emanaldi ireki eskainiko ditu. Harkaitz Canok idatzitako eta Fernando Bernuésen zuzendaritzapean Tanttaka antzerki konpainiak ekoitzitako lana da, eta Miren Arrieta, Sara Cozar eta Asier Hernández dira antzezleak (testuaren amaieran proiektuaren sinopsia eta fitxa artistikoa erantsi dira).

Antzezlana euskaraz izango da, eta 9 eta 12 urte bitarteko haurrei zuzenduta dago, irakurtzeko zaletasuna txiki-txikitatik irakatsi nahi baitu. Proiektua gurasoen eta seme-alaben artean, lehenago edo ondoren, irekitzen den bizi-arrakala eta emozio arrakalatik abiatzen da. Lan honen kasuan, ama ez egoteak aitaren eta hamar urteko alabaren arteko komunikazioa zailtzen duen fase bat eragiten du. Hori dela eta, aitak literaturara jotzen du hautsi diren zubiak berrezartze aldera. Lanak, liburutegia aldarrikatzen du, liburutegia edukiontzi hutsa izan beharrean, protagonista bat ere badela, «arimaren ospitale» bat, alegia. Aitaren eta alabaren artean hautsitako komunikazioa josten joango da, literatura aipuek, kontakizun laburrek eta olerkiek markatutako ibilbidearen bitartez.

Saioak abenduaren 16an, larunbata, Santa Teresa komentuko Klaustroan izango dira, eta bertara Gaztelubide kaleko sarreratik sartu beharko da. Saioak goizeko ordutegian burutuko dira:

 

• 1. saioa goizeko 10:00etan izango da.
• 2. saioa goizeko 12:00etan izango da.

Saioak doakoak izan arren, edukieraren mugarekin lotutako arrazoiak direla eta, aldez aurretik izena eman beharko da, esteka honetako formularioaren bidez:
 

https://forms.office.com/e/28NqVVZS16. 

Saio bakoitzeko gehieneko edukiera 50 lagunekoa da. Saio bakoitzerako izena ematen duten lehenengo 50 pertsonei soilik bermatuko zaie sarrera. Hala ere, itxarote zerrenda bat egingo da, eskaerak iritsi diren hurrenkeran, esleitutako plazen artean bajarik egongo balitz ere. 

Horretarako prestatutako formularioaren bidez bidalitako eskaerak bakarrik hartuko dira kontuan. Inskripzioak abenduaren 11ko 23:59ra arte egongo dira irekita.

Zalantzarik izanez gero, helbide honetara jo dezakezue: kulturaeskola@gipuzkoa.eus. 

Anima zaitezte!    

ANTZEZLANAREN FITXA ARTISTIKOA:

Izenburua: Mundua pitzatuta dago baina hantxe gabiltza oinez
 

Egilea: Harkaitz Cano
 

Zuzendaritza eta espazio eszenikoa: Fernando Bernués
 

Antzezleak:
Miren Arrieta
Sara Cozar
Asier Hernández
 

Jantzitegia: Ana Turrillas
 

Argiztapena: Xabier Lozano
 

Koordinazio teknikoa: Acrónica Producciones
 

Administraritza: Maite Gorrotxategi
 

Ekoizpen exekutiboa: Ane Antoñanzas
 

Ekoizpena: Paola Eguibar
 

Banaketa: Portal 71

SINOPSIA:

Alabarekin nola komunikatu ez dakien aita batek paperezko hegazkin bat bidaltzen dio egunero balkoitik agur esateko. Hegazkinetan idatzitako mezuen bidez, aitak literatura-misioak jartzen dizkio alabari, liburuzain zorrotz baten konplizitatearekin argitu ditzan. Horrela, liburuen eta bizitzaren arteko lotura ezagutuko du neskatoak.

Urte asko geroago, orain idazlea den alaba, liburutegira itzuliko da bere lehenengo liburuan jaso duen iniziazio-esperientzia hori kontatzeko.