Historia de Jerusalén / Vincent Lemire

Jerusalemgo hirian, gaur egun gertatzen diren gatazkak ulertu ahal izateko ezinbestekoa da bere historia sakon ezagutzea. Milaka urteko hiri hori sakratutzat hartu dute juduek, kristauek zein musulmanek, eta hainbat mendetan zehar bertan bizi izan diren kultura, erlijio eta inperio guztien arteko topaleku da gaur egun.

Jerusalemgo historian espezializatua eta Jerusalemgo Frantziako Ikerketa Zentroko zuzendaria izan den Vincent Lemire historialari frantziarrak, Christophe Gaultier ilustratzailearekin batera, komiki formatua erabiliz historia hau mundu osora zabaldu nahi dute.

Istorioa Olibondoen Mendiko olibondo batek kontatzen du, eta, honek kutsu sinbolikoa ematen dio lanari. Lanak, 4.000 urteko historia zeharkatzen du: egipziarren garaitik hasi eta gaur egungo gatazketaraino, une garrantzitsuak ahaztu gabe, hala nola persiar eta erromatar domeinua, kristautasunaren goraldia, Gurutzadak, Otomandar aroa edo Palestinaren banaketa eta Israelgo Estatuaren sorrera.

 

Garbuix Books, dibulgaziozko ez-fikzioaren aldeko apustua egiten duen eta historia, soziologia, feminismoa eta biografia bezalako gaietan zentratzen den argitaletxea da. Zorroztasun historikoarekin eta hizkera hurbila erabiliz, kasu honetan, kontakizun irisgarri eta bisualki indartsua eskaintzen digu, eta gogorarazten digu hiri honen iragana ez dela kapitulu itxi bat, baizik eta bere oraina ulertzeko gako bat.