IBILBIDEAK. Norekin eta zertarako? Sareak ehuntzea gure kultura proiektua sendotzeko

K bulegoak, Gipuzkoako Foru Aldundiaren Kultura Departamentuaren kultura sektorearentzako arreta zerbitzuak, martxoaren 22an "Norekin eta zertarako? Sareak ehuntzea gure kultura proiektua sendotzeko" formakuntza saioa antolatzen du Gipuzkoako kultura eragileentzat. Saioa Irungo Udalaren laguntzaz egiten da.

Jarduera hau K bulegoaren Ibilbideak formakuntza lerro berrian kokatzen da. Lerro berriak kultura proiektuak prestatu eta indartzeko mugarri monografikoak urratzen ditu; guztiak edo bakarren bat egiteko aukera dago, beharren arabera.

Ibilbideak lerroko mugarri berri honetan, testuingurua ondo ezagutzearen garrantziaz gogoeta egingo dugu, horrela bazkide laguntzaileak identifikatu eta etorkizunean lankidetza ildoak urratzeko aukera izan dezagun. Ereduetatik eta praktika onetatik abiatuta, gure kultur proiektua garatzeko balio duten sareak ehundu eta finkatzeko zenbait gako lortuko ditugu.

Gure hirugarren mugarri monografikoan sareak landuko ditugu, gure kultur proiektua kalitatez eta aditu eta arituen laguntzaz, María José Noain Mauraren eskutik.

María José Noain Maura Geografia eta Historian (Historiaurrea eta Arkeologia espezialitatean) eta Gizarte eta Kultura Antropologian lizentziaduna da. Ibilbide profesionala museoen, komunikazioaren eta kultur kudeaketaren munduan garatu du. Los Viajes de Aspasia izeneko dibulgazio proiektutik, Historia, Arte eta Arkeologia gaineko ikastaroak emateaz gain, testu historikoak idatzi eta Ondarearen inguruko kultura proiektuak gauzatzen ditu. Gainera, erakusketak komisariatu ditu (Bidasoko Atlas Emozionala) eta KulturBox egitasmoaren arduraduna da (kultura edukiontzi interaktiboak). Azken proiektu horiek lankidetzan garatu ditu Bitamine elkarteko Helga Massetani Piemonterekin.



Dekalogoa. "Norekin eta zertarako? Sareak ehuntzea gure kultura proiektua sendotzeko"

Martxoak 22, ostirala - 10:00 a 13:00
Oiasso Museoa, Irun

Hizkuntza: Gaztelania


Collage irudia. Silvia López de Lacalle Gurruchaga