Igor Etxabek XX. Mendeko Zarautz udalerria aurkeztuko digu

Abenduaren 22an, Zarautz XX. mendean: Euskal Jaiak eta surfa baino askoz gehiago izenburupean, Igor Etxabe hizlariak hain ezaguna ez den Zarautz udalerriaz hitz egingo digu. Kostaldeko herria, Euskal Jaiengatik eta surfagatik ezaguna, garrantzitsua izan zen XX. mendearen lehen bi herenetan, bereziki Guda Zibilaren ondoren, bere loraldi industriala zela eta. Adibide gisa, 1960 inguruan, Zarautzek 8.000 biztanle zituen garaian, tokiko enpresek 6.200 pertsona zituzten alta emanda Gizarte Segurantzan, batez ere industrian eta ostalaritzan. Hitzaldi honen helburua Zarautzen ezkutatuta dagoen errealitate historiko hori ikusaraztea da, ahanzturan erortzeko arrisku larrian baitago.

Horretaz guztiaz eta gehiagoz arduratuko da Igor Etxabe, Deustuko Unibertsitatean Enpresen Zuzendaritza eta Administrazioan lizentziatua (2003) eta Euskal Herriko Unibertsitatean Enpresa Zuzendaritza, Ezagutza eta Berrikuntzan doktorea (2018). Bere ikerketa garapen ekonomikoa ahalbidetzen duten sareen eta kapital sozialaren azterketan oinarritzen da, bai ingurune formaletan (klusterrak, kontseilari gurutzatuak...), bai sare informaletan (familia, ikastetxeak, elkarteak...). Elena Torregarai aurkezle lanetan arituko da.

Honetaz guztiaz gozatu ahal izango dugu KMK - Ekitaldi Aretoa, Santa Teresa Komentuan, 19:00etatik aurrera, Miguel de Aranburu Gipuzkoako Historialarien Elkarteak parte hartzen duen Gipuzkoako Historiaren Pasarte Ezezagunak hitzaldi-zikloari esker. Segidako asteetan hurrengo datak zehaztuko ditugu. Gogoan izan zikloaren azken topaketa dela 2023an.