Eduki publikatzailea

Atzealdea

Iraganeko zikloak gogoratuz. Ondarea orain

Ogi-apurra

07 api 2020

Koldo Mitxelena Kulturuneak etxe honetan egindako zikloen berrikuspena egitea proposatzen dizue. Behean dituzue "Ondare orain" zikloko hitzaldi batzuetako bideoen estekak. Espero dugu zuen interesekoak izatea.
 
 
"Arte Paleolitikoaren beste santutegi bat Aizpitarteko haitzuloetan (Errenteria)", Diego Garate
Hamar urte eskaseko epean, Gipuzkoan historiaurreko labar artea duten bi haitzulo baino ez ezagutzetik (Ekain eta Altxerri) lagina ia-ia dozena bat haitzulotara zabaltzera iritsi gara.Aurkikuntza berri gehienen kasuan, irudi grabatu edo pintatu gutxi batzuk besterik ez dira. Alabaina Aizpitarten irudikapen kopuruak, horien kalitateak eta euskarri aniztasunak aukera ematen dute aurkikuntza hori artepaleolitiko franko-kantauriarreko multzorik garrantzitsuenen pare jartzeko.DiegoGaratek, ikerkuntzen arduradunak, lehenaldiz aurkeztuko ditu egun martxan diren azterketen emaitzak.
 
"Estructuras de piedra: la cúpula de la torre de la parroquia de Zestoa", Santiago Huerta, Fernando Fernández
Tximista batek Zestoako elizaren kupula suntsitu zuen. Horren berreraikuntzak aukera ematen digu harrizko egituren munduan, ezaugarri eta funtzionamenduan murgiltzeko. Aldiberean, kupula horren berreraikitze lan interesgarriak segitu duen prozesua ezagutuko dugu.
 
Alemaniako Hausforsher  taldeko adituek argitaratutako aldizkariaren azken alea Pirinioetako eta Euskal Herriko zurezko arkitekturari eskainita dago. Talde horrek Gipuzkoako eraikinei buruz egindako balioespena oinarritzat hartuta, zurezko gure ondarearen adibide garrantzitsuenen nondik norakoak azalduko dituzte hizlariek.  Baserriek toki nabarmena merezi dute, batez ere, kontuan izanda, azken datazioen arabera, gero eta atzerago dagoela eraikin mota berezi horren jatorria.
 
Mugimendu modernoaren arkitekturako lan gehienak material, teknologia eta programen esperimentazio modura sortu ziren. Ez zen jarraipen historikoa izango zutenik pentsatzen, uste baitzen belaunaldi berriek esperimentatzen jarraituko zutela, eta beraz, zaharkituta gelditu zena ordezten. 80ko hamarkadatik aurrera, ordea, obra horietako batzuk zuten garrantziaz jabetzen hasi zen jendea, horietako asko eraisten ari zirela ikustean.  Hitzaldian Europa mailako kasuak eta eman zaizkien irtenbideak aurkeztuko dira, argi utzita ez dagoela guztientzako balio duen irtenbide orokorrik edo konponbiderik eztabaidaz gain.
 
"Las gentes del vidrio", Josu Aranberri
Bidriogileak gremioka banatzen diren talde berezia dira. Beraien abizen frantsesak, italiarrak, suitzarrak edo alemanak fabrikak egon ziren lekuetan errepikatzen dira. Emigranteak baino gehiago, munduko hiritarrak ziren. Fabrika hauek XIX. mendeko lehen erdialdean agertu ziren. Ontziak behar ziren, eta portu guztietan herriko enpresariek bidriogileak kontratatu zituzten. Ondarretan ere, Brunet anaiek “Miquelete” izeneko sagardoarentzat botilak egiten zituzten. 10 urte bete aurretik itxi zuten, “bertako langileak formatzea ezinezko zelako”, bidriogileek euren familiakoei soilik irakasten baitzizkieten teknika hauek.
 

Ingeniaritza erromatarra, Gidoia, zuzendaritza eta produkzioa: José Antonio Muñiz. Digivisión. 2018. 50 min
Inperio erromatarrak akueduktuen eraikuntzaren arloan lortutako aurrerapen teknologikoei buruzko dokumentala. Erromatarrek helburu garbia zutela bere hirietara kalitate oneneko nahi beste ur eramatea, ingeniariek neurriz harrigarriak zein miresgarriak ziren akueduktuak kalkulatu eta diseinatu behar izan zituzten. Inperioa hazi eta hiri kopurua handitu ahala, obra horiek neurri itzelak hartu zituzten, egungo ingeniari onenak berak ere harri eta zur uzteko modukoak. Aurkezleak: José Antonio Muñiz, Mertxe Urteaga.
 

La iconografía musical: herramienta para conocer el patrimonio, Enrique Galdeano
Ikonografia musikala diziplina nahiko berria da eta, instrumentuen irudi zaharren bidez, musika eta antzinako ohiturak ikertzen ditu. Hitzaldian aurkeztuko dira gure inguruan ongien ezagutzen diren Erdi Aroko instrumentuak eta, horien bidez, garai haietako soinu eta melodiak erreproduzituko dira.
 

¿A qué nos referimos cuando hablamos de paisaje cultural? Carmen Caro Jauregialzo
Kultur paisaiez ari garenean herriek euren artean eta inguruarekin eduki duten harreman luze eta estuen adierazpenaz ari gara. UNESCOK, 1992. urtean egin zuen mundu konbentzioan, ondare ondasun gisa aitortu zituen eta babestu beharrekotzat jo zituen. Gaur egun munduko eskualde desberdinetako 102 paisaia adierazgarri daude Mundu Ondarearen Zerrendan. Gai horren inguruko hainbat xehetasun emango dira hitzaldian.


Baserrien jatorri historikoetan gero eta atzerago, Josué Susperregi, Ibon Telleria
2017ko edizioan ezagutzera eman ziren baserrien ikerketetan egindako datazio dendrokronologikoei esker lortu ziren ekarpen berri izugarriak.Duela urtebete eman zen jakitera baserri batzuetan XV. mendearen erdialdeko kronologiak lortu zirela eta litekeena zela, ikerketak aurrera zihoazen heinean, data horiek atzeratzen joatea.Aurreikuspen hori errealitate bihurtu da eta, oraingoan, aurkikuntza berriak zuzenean ezagutzeko aukera izango dugu.
 

 

 

 

 

 

 

 

Albiste gehiago

Albiste gehiago

Eduki publikatzailea