Iraileko bideo nobedadeak

Hona hemen abuztuan iritsi eta katalogatu diren bideo berrienak. Eskuragai daude mailegu bidez etxera eraman ahal izateko edo liburutegian bertan ikusteko. “Escape room” Hèctor Claramunt zuzendari zinematografiaren estreinaldia, komedia zoroa da. Thrilleren elementuak eta umore dosi handiak uztartzen ditu muturreko egoeren aurrean gizakiok nola jokatzen dugun hausnartzeko, bikote roletan konfiantza izateko eta egiaren eta gezurraren arteko oreka lortzeko. Eric Besnard zuzendariaren “Delicioso” lana sukaldaritza drama bat da, drama, satira eta kronika soziala trebetasunez elkartzen dituena, intriga eta erromantze dosi txikiez josia. Sam Raimik zuzendutako “Doctor Strange en el multiverso de la locura” filmean Marvel Unibertso Zinematografiak Multibertsoa ireki eta mugak inoiz baino gehiago zabaltzen ditu. Strange doktorearekin ezezagunera  egindako bidaia da. Aliatu mistiko zahar eta berrien laguntzarekin, Multibertsoaren errealitate alternatibo harrigarri eta arriskutsuak zeharkatu beharko ditu aurkari misteriotsu bati aurre egiteko. Marvelen pertsonaia liluragarri eta gatazkatsuenetako bat pantaila handira iritsi da Daniel Espinosak zuzendutako “Morbius” filmaren eskutik.