Iraileko interesguneak

Donostia apain-apain egin eta hiriko txoko bakoitzean zinema arnasten den hilabetea iraila da. Horregatik, hainbat interesgune prestatu ditugu aktoreekin, aktoresekin, Hollywoodekin... zerikusia dutenak. Liburutegiko sarrerako solairuan musika eta zinemari buruzko liburuak aukeratu ditugu, batetik, eta Marilyn Monroeri buruzkoak, bestetik. Sarrerako atearen ondoko apalategian, gainera, emakumeek zinemaren historian izan duten eta duten paperari buruzko hainbat irakurketa kontsulta daitezke. Lehen solairuan, Hollywood mitifikatuarekin eta Sam Shepard aktore, antzerki zuzendari eta idazlearen eta Marcos Ordoñez idazle eta kazetari katalanaren lanekin lotutako hainbat irakurketa gomendatzen dizkizuegu. Fonotekaren sarreran, azkenik, Zinemaldiko Urrezko maskorra irabazi duten filmak ezagutzera gonbidatzen zaituztegu.