Iraileko komiki eta eleberrien nobedadeak

Hona hemen azken 30 egunetan liburutegira iritsi diren fikziozko lanen bilduma. Irudietatik zuzenean jo dezakezue katalogora, katalogotik erreserbetara eta hortik zuen etxeraino eramateko prest dituzue  Errege-Erregina katolikoak kaleko 16 zenbakian.

ELEBERRIAK:
Jennifer Chiaverinik “Trincheras de cable” aurkezten du. Lehen Mundu Gerran inoiz kontatu ez den istorio handi bati buruzko eleberri ausart eta argigarria da: Estatu Batuetako Armadako Seinale Gorputzeko emakumeena.

Juan Trancheren liburua, “Gladiadoras”, Antzinako Erromako borrokalariei buruzko eleberri historikoa da. Askatasun irrikak eta mendekuak bultzatuta, bi emakumek behin betiko duelua izango dute aurrez aurre: betierekotasunaren dolua.

 “La última fiesta”, Clare Mackintoshen eleberri dibertigarria da, argia eta Agatha Christieren oihartzunekin. Maisutasunez marraztutako misterioa, liluragarria, eta hilketa guztiz burutua.

Intrigazko trama bikain baten bidez, Mario Escobarren “El espejo de las almas” eleberriak beginen mundu liluragarri eta ez oso ezagunean murgiltzen gaitu, dozenaka mila kide batu eta Europa osora hedatu zen emakume laikoen elkarte batean.

Abel Amutxategiren “El puente de los perros suicidas” liburua satira soziala da, jazz kutsua du eta santu-denda eta budu usaina, liburu-saltzaileak, editoreak, agente literarioak eta fandomita irredentoak nahasten dituena.

Javier Otaolaren “La comisaria Olaizola y el caso del perro blanco” nobelan, Felicidad Olaizolak ikertzaile eta gizaki gisa dituen gaitasunak probatzen dira, irakaskuntza are garrantzitsuagoa aurkituz: gu guztiok, gizon eta emakume, sekretuz eta grinaz beteta gaudela, norberekoikeria eta harrokeria deabruzkoenetik errukiaren adierazpen eskuzabalenetaraino.

KOMIKIAK:
"Frantziako dama" Alvaro Rabelli eta Jose Carlos Torre bizkaitarren komikia da, erdi aroko legendaren adaptazioa burutu dute eta bertan etxera itzultzen den zaldun batek emaztegaia nola hil behar duen kontatzen dute.

"Idefix eta menderakaitzak" Asterix eta Obelixen pertsonaia zein istorioetan oinarritutako serie berria da. Bertan pertsonaia nagusiak animaliak dira eta abentura zein umorezko komikiaren lehen alea argitaratu dute "Latinari zaunka" izenburupean.

"Yo no soy Starfire" superheroi baten alabaren istorioa da, ez du superheroi baten tankera, are gutxiago, erabat kontrakoa dela adierazten da komikiaren hasieran. Egilea Mariko Tamaki gidoigile ezaguna da besteak beste Hulkaren gidoiren bat ere burutu izan duelako.

Yermo argitaletxeak Patrick Prugneren "Pocahontas" komikia atera berri du. Bertan herri indigena bateko buruzagiaren alaba, Pocahontas, da protagonista. Bera izango da lehen kolonoen eta indigenen artean harremanak sortzen saiatuko den lehenengo pertsona.

"Evol" manga komiki seriea da. 2023ko ezinbesteko komikitzat ere jo dute adituek honako hau. Bertan manga estiloan superheroien istorio gaurkotuak ezagutuko ditugu. Akzioa, zientzia fikzioa, fantasia eta seinen kutsua du serieak.

"Utown" da gaur egungo hiri askoren errealitate nabarmena. Higiezinen espekulazioa eta horrek gizartean dituen ondorioak, alokairuen prezioetatik hasi eta komunitatearen indar eta premiaraino.