Iraileko nobela nobedadeak

Hemen dituzu azken hilabete honetan liburutegira iritsi diren nobela berrien bilketa, eskuragai maileguan eraman ahal izateko. Munduaren lehen itzuliaren 500. urteurrenean, Óscar Mijallosen “El beso de los océanos” eleberriak zeharbide horren odisea kontatzen du, Fernando Magallanesen ontzian zerbitzatu zuen itsasmutil baten begietatik. Rebecca Makkaren “El devorador de libros” bizitza monotono bat daraman liburuzain baten eta irakurketarekin obsesionatutako haur baten historia zoragarria da, biak ere munduan leku bat bilatzen ari direnak. Baina horrek erokeria handia egitea eskatuko luke. Horacio Castellanos Moyaren “El hombre amansado” indarkeriaren ondorioz erbesteratutako pertsona baten paranoia eta deserrotzea irudikatzen dituen eleberria da. Bloke sobietar zaharreko xake geopolitikoaren taula, gerren ondoriozko errefuxiatuen drama, familiaren maitasuna eta identitate indibidual eta kolektiboaren bilaketa dira Pepe Ribasen “Encuentro en Berlín, muerte en Ucrania” lanaren ardatzak. Benetako gertaeretan oinarrituta, David Jimenezen “El corresponsal” eleberriak “inoiz asmatu gabeko herrialderik eder eta tristeenera” garamatza eta gerrako erreportarien mundu intimoa deskubitzen digu. J. Antonio Morenaren “Muriel” historia lazgarri bat da, maitasunaren eta desioaren arteko borrokari buruz hitz egiten duena Donostiarekin agertoki gisa duelarik. Mari Jungstedten “Antes de que lleguen las nubes”, Malagan girotutako serie berri baten lehen emanaldia da; Espainiako polizia bat eta Suediako itzultzaile bat ditu protagonistak.