Isabel Albaren “Detrás de la cámara” liburuaren aurkezpena

Datorren asteazkenean, apirilaren 13an, 19.30etan, Koldo Mitxelena Kulturunean,  Montesinos Ensayos Isabel Albak idazle eta gidoilariak idatzitako Detrás de la cámara. Cómo narrar en imágenes: del guión a la película liburua aurkeztuko du.

Kameraren atzetik. Irudien bidez narrazioak egitea: gidoitik filmera liburuaren helburua da ikus-entzunezkoan oinarrizko ezagutzak barneratu nahi dituzten guztiek baliabide ulergarri eta erabilgarri bat eskuratzea, irakurlearen adina edo lanbidea edo liburua irakurtzeko arrazoia edozein delarik ere. Norentzat dago idatzita liburu hau? Esateko zerbait duten eta irudien eta soinuen bidez ahalik eta modurik onenean adierazten ikasi nahi dutenentzat, baina irudiak ikusten ikasi nahi dutenentzat edota beste batzuei irudiak modu kritikoan ikusarazi nahi dizkietenentzat ere bai. Isabel Albak gidoi onak idazteko giltzarriak eskainiko dizkigu, ohiko akatsez ohartaraziko digu, eta, aldi berean, idatzizko hitza –gidoia– irudi bihurtzeko behar dugun egitura guztiaren ikuspegia ere emango digu.

Isabel Alba idazlea, irakaslea eta argazkilaria da, eta Madrilgo Complutense Unibertsitateko Filosofia eta Zientzien lizentziatura du. Irratiko, zineko eta telebistako gidoilaria izan da, eta, besteak beste, Barrio Sésamo eta La bola de cristal saioetan aritu da lanean. Azken hamabost urteetan, gidoigintzari eta ikus-entzunezko lengoaiari buruzko hamaika ikastaro eman ditu, irakasleak trebatzeko, bai unibertsitatean, bai eskoletan. 1998an, Kameraren atzetik sortu zuen, haurrei eta nerabeei begirako irudiari buruzko programa. Programak ospe handia lortu du, eta aitzindaria izan da ikus-entzunezkoan. Gaur egun ere programa zuzentzen dabil Isabel Alba. Eleberri bat ere argitaratu du, Baby Spot (Montesinos, 2003), eta XIV. María de Maeztu literatur saria irabazi du. Kameraren atzetik. Irudien bidez narrazioak egitea: gidoitik filmera zineko narraziogintza lantzeko bigarren liburua du.

Detrás de la cámara. Cómo narrar en imágenes: del guión a la película
Idazlea: Isabel Alba.
Ilustrazioak: Telmo Basterretxea
Itzulpena: Imanol Haro
DVDa: Pello Gutierrez
Argitaletxea: Montesinos Ensayo