Javier Bucesek 1960 eta 1975 urte artean Gipuzkoan pairatutako errepresio frankista zehaztuko digu

Azaroaren 15ean Javier Buces izango dugu gure artean Gipuzkoako Historiako Pasarte Ezezagunak zikloaren bitartez. Historian lizentziatua Deustuko Unibertsitatean, 2005ean den eta Euskal Herriko Unibertsitatean Doktorea 2021ean, Cum Laude aipamena duen Bucesek azalduko du frankismoa ez zela 1945ean desagertu Bigarren Mundu Guda amaitu ondoren; aitzitik, zoritxarrez, beste hamarkada batzuk iraun zuen bizirik. Are gehiago, oposizioa erbestean, kartzelan edo hilobietan lurperatuta zegoenez, 40ko hamarkadatik aurrera diktadurak baketzat jo zuen.

Gehitzeko dago gai historiko honetaz hitz egin dezakeen pertsona esanguratsuenetariko bat dela Buces, Aranzadi Zientzia Elkarteko Antropologia Saileko Memoria Historikoaren Arloko arduraduna delako eta NUPeko irakasle elkartua. Diktadura frankistari eta euskal gatazkari buruzko hainbat argitalpenen egilea, udalerri eta probintzia mailan.

Honetaz guztiaz gozatu ahal izango dugu KMK - Ekitaldi Aretoa, Santa Teresa Komentuan, 19:00etatik aurrera, Miguel de Aranburu Gipuzkoako Historialarien Elkarteak parte hartzen duen Gipuzkoako Historiaren Pasarte Ezezagunak hitzaldi-zikloari esker. Segidako asteetan hurrengo datak zehaztuko ditugu, Iker Echebarria Ayllónek gidatuta.