Jose Bernardo Otaño ezagutu nahi duzu?

José Bernardo Otaño "Baria" 1842ko urriaren 12an jaio zen, Zizurkilgo Errekalde baserrian, eta gaur egun duela 182 urte hil zen, 1912ko urtarrilaren 8an, udalerri berean.

1866ko urtarrilaren 13an ezkondu zen Klara lnazia Odriozola Urbiztondorekin eta bederatzi seme-alaba izan zituzten.

Bere lan-bizitzari dagokionez, igeltserotza eta teileria zituen lanbide, baina Zizurkilgo udalbatzako kide ere izan zen eta udalerriko alkate izatera ere iritsi zen.

Bestalde, Pedro Otañoren semea eta Pedro Mari Otaño handiaren osaba izan zen. Baina kontuan izan behar da Txirrita, Xenpelar edo Pello Errota bezalako bertsolari ospetsuen garaikoa izan zela.

Jendaurrean nahiko aritu zen, baina ez dira bere bertso asko geratu, bertso-paper batzuk izan ezik. Hauetako batzuk Koldo Mitxelena Kulturuneko liburutegian kontsulta ditzakezu.

Bertso horiek esteka honetan aurkituko dituzu: Jose Bernardo Otañoren bertso-paperak. Eta bertsolari honen bizitzari buruz gehiago jakin nahi baduzu, sakatu Jose Bernardo Otañoren bizitza estekan.