Juan Kruz Igerabide eta Maite Gurrutxagak MarraziOak jardunaldien XV. edizioan hartuko dute parte

MarraziOak 2023 jardunaldien XV. edizioan Juan Kruz Igerabide idazlea eta Maite Gurrutxaga ilustratzailea izango dira. Galtzagorri elkarteak eta Gipuzkoako Foru Aldundiak antolatutako topaketa honetan, liburuak ilustratzeko teoria eta praktika uztartzea da helburu.

Jardunaldi horiek Undermounten (Igeldon) egingo dira, ekainaren 26tik 30era, eta horietan ipuin klasikoen sinbologia eta irudien sakonketa egingo da. Gainera, euskal ipuin tradizionalak eta klasiko unibertsalak konparatuko dira hainbat ariketa proposatuz.

Izena emateko, hurrengo dokumentazioa bidali behar duzu WeTransfer bidez administrazioa@ibbygaltzagorri.eus helbide elektronikora:

1. Curriculuma
2. NANren kopia bat
3. Posta elektronikoa
4. Telefonoa
5. Zure dosierra edo zure lana erakusten duten 10 irudiren aukeraketa

Epea maiatzaren 19an bukatuko da. Ondoren, maiatzaren 26ko astean hautatutako 10 pertsonekin jarriko gara harremanetan.

Informazio gehiago, Galtzagorriren webgunean, edo, nahiago baduzu, idatzi administrazioa@ibbygaltzagorri.eus helbidera ala deitu 943 471 487 telefono-zenbakira.