Julen Ribasen komikiak
Julen Ribas arrasatearra da jaiotzez, eta egun komikigintzan batez ere marrazkilari bezala ari da lanean. Tartean bertako zein kanpoko komikiak marrazten, Delcourt bezalako argitaletxe handi eta sonatuan, edo Su Ta Gar bezalako euskal musika talde mitikoaren komikia marrazten. Bere azken lanak sona handia eskuratu duten arren, bere aurrekariak ere ez dira edozein izan eta horiek azpimarratu nahi ditugu hemen.
‘Numenak’ saila marrazten hasi zuen bere bidea komikigintzan Unai Busturiaren gidoia jarraituz. Bertan euskal mitologiako pertsonaien abenturak kontatzen dituzte Arrasate eta inguruetan kokatuta. Jarraian burutu zituen haurrentzako hainbat ipuin Patxi Pelaez eta Susana Pintorekin batera ‘Basajaun’ pertsonaia protagonista zutenak.
Segidan etorri zen Xabiroi aldizkarian aleka argitaratu ostean, album gisa Iban Zalduaren gidoia duen ‘Azken garaipena’ komikia. Bertan bigarren mundu gerran nazien gidaritzapean gerta zitekeen, baina inoiz gertatu ez zen istorio bat kontatzen dute. Komiki honek Euskadi Literatura Saria eskuratu zuen 2012. urtean.
Ilustrazio zein bestelako lan batzuen artean merkatu frantses handirako hasi zen lanean Julen. 2012. urtetik aurrera argitaratu zituen ‘Remington’ edo ‘Kerubim’ komikiak. Aldi berean, ordea, euskaraz ere jarraitu zuen lanean eta Xabiroi aldizkariari esker argitaratu zuten Eider Rodriguezen gidoia duen ‘Santa familia’ komikia, eta lan honek, berriro eskuratu zuen Euskadi Literatura Saria 2018. urtean.
Ondoren etorri ziren Frantziarako bereziki prestatutako zientzia fikziozko komikiak ‘Kiliwatch’ eta ‘Le spécimen’. Zientzia fikzioa, genero beltza edo thrillerra dira gai nagusi komiki hauetan. Eta azkena berriz, ‘Ah, ça ira!’ seriea, komiki historikoa da 1789ko iraultza frantsesaren kontakizun berezia egiten da bertan hiru lagunen hartu-eman eta bizipenetan oinarrituta.
Eta Euskal Herrira itzuliz argitaratu berria du Julenek Su Ta Gar musika taldearen abestietan oinarrituta dagoen Alex Telloren gidoiarekin egindako komikia, ‘Sua’ izenekoa.
Kritika onak jaso izan ditu bere marrazkerak beti. Artista da Julen marrazteko teknika ezberdinak erabiltzen oso aditua, esaterako akuarelak dominatuz bere komikietan. Baina ez hori bakarrik, marrazkia burutzeaz gain sarri kolorea ere jarri izan du bere komikietan.
Albiste gehiago
-
Zinemagileen arteko elkarrizketak. 2025
Zinemagileen arteko elkarrizketak. 2025
Urtarriletik ekainera arte Zinemagileen arteko elkarrizketak zikloa izango dugu abian 2025. urteko edizioan.
Matrikula zaitez hemen!2024-12-09
-
Abenduko komiki eta eleberrien nobedadeak
Abenduko komiki eta eleberrien nobedadeak
Liburutegian azken hilabetean zehar jasotako eleberri eta komiki berrienak eta baita aukeraketa bat ere
2024-12-04
-
Euskara, jalgi hadi mundura!
Euskara, jalgi hadi mundura!
Beste urte batez, abenduaren 3an Euskararen Nazioarteko Eguna ospatuko dugu eta KMK Liburutegitik gure hizkuntza den honen lan garrantzitsuenetako batzuk gogoratu nahi ditugu.
2024-12-02
-
Antiqva. Antzinatasunari buruzko XXXI. Jardunaldiak: "Zelta mundua"
Antiqva. Antzinatasunari buruzko XXXI. Jardunaldiak: "Zelta mundua"
Antiqva. Antzinatasunari buruzko Jardunaldiak zikloak XXXI. edizioa eskaintzen digu udazken honetan "Zelta mundua" izenburuarekin.
2024-11-15