KLUBAK, abian da KMK Liburutegiko irakurketa kluba

Irakurtzea praktika hezitzaile eta sortzailea da, gizabanakoetan jakintza eta irudimena sustatzen dituena. Horrela, irakurzalea den gizartea gizarte kritikoago, toleranteago, adeitsuago, zibikoago eta azken finean libreagoa da. 

Hau kontutan izanik, KMK Liburutegiak irakurketa ardatz izango duen jarduera bat antolatu du irakurketa kluba eta solasaldiak uztartzen dituena. Jarduera hori lau ziklotan egituratuko da eta ziklo bakoitza honela osatuta egongo da:

• Irakurketa kluba. Bi saio egingo dira zikloko eta saio bakoitzean liburu bat aztertuko da. Liburutegiko Errege-Erregina Katolikoen kaleko egoitzan ospatuko dira.
• Solasaldia. Irakurketa klubaren bi saioetako batean irakurri den idazleetako baten eta beste kultur eragile baten arteko topaketa edo solasaldia. Hitzordua Santa Teresa Komentuan izango da.

Jardueraren dinamizatzaileak Uxue Alberdi eta Ander Izagirre izango dira. Bakoitzak bi ziklo gidatuko ditu; Uxuek bi ziklo euskeraz eta Anderrek beste biak gazteleraz.

Gaiaren aldetik, lau zikloetako bakoitzak KMKren izatearekin erlazio zuzena duten ardatzetako bat izango du oinarri. Hala nola lurraldea, hitza, berrikuntza eta ondarea. Ardatz hauez gain, eta aurten ospatzen ari garen Ipuscoa hitzaren milurtea dela eta, gainera, jardueraren ikuspuntua bereziki Gipuzkoatik eta Gipuzkoarakoa izango da. Horregatik, bertako dinamazatzaileak, idazleak, istorioak... uztartuko dituen zikloak izango dira.

SAIOAK

Esan bezala, irakurketa klubeko saioak Errege-Erregina Katolikoak kaleko egoitzan izango dira, arratsaldeko 18:30etatik 20:00ak arte. Parte-hartzaile kopurua mugatua izango da (12 lagun) eta plazak inskripzio-hurrenkeraren arabera esleituko dira. Solasaldien kasuan berriz, Santa Teresa Komentuan izango dira, ordutegi berean. Kasu honetan sarrera librea izango da edukiera bete arte.

 

 

Hau da lehenengo bi zikloen inguruko informazioa (dagoeneko lehenengo zikloko saioetan izena eman daiteke): 

1. Zikloa. LURRALDEA (gazteleraz) 

Gidaria: Ander Izagirre

• Irakurketa klubeko saioak (Errege-Erregina Katolikoak, 16. Aurretiko izen-ematea)
  • Maiatzak 14. Cacereño, Raúl Guerra Garrido. 
  • Ekainak 11. Maddi y las fronteras, Edurne Portela. 
• Topaketa (Santa Teresa Komentua. Sarrera librea edukiera bete arte)
  • Ekainak 25. Solasaldia Edurne Portela eta Ignacio Mendiolarekin (EHUn Soziologia irakaslea eta La danza de las luciérnagas liburuaren egilea).

 

2. Zikloa. HITZA (euskaraz)

Gidaria: Uxue Alberdi

• Irakurketa klubeko saioak (Errege-Erregina Katolikoak, 16. Aurretiko izen-ematea)
  • Uztailak 16. Berbelitzen hiztegia, Andu Lertxundi.
  • Abuztuak 13. Ulu egiteko bolondres bila, Harkaitz Cano.
• Topaketa (Santa Teresa Komentua. Sarrera librea edukiera bete arte)
  • Abuztuak 27. Solasaldia Andu Lertxundi eta Idoia Santamariarekin (itzultzailea).

 

Udazkenean (irailetik abendura) beste bi ziklo izango dira, eta horien berri emango dizuegu aurrerago.

KMK Liburutegitik irakurketa eta topaketa hauek gurekin partekatzera gonbidatzen zaitugu. Zatoz KLUBAK saiora!