KLUBAK: udazkeneko irakurketak

Azken hilabete hauetan mugez, emigrazioaz, poesiaz, hitzaren balioaz eta bere etimologiaz hitz egin dugu. Klubak programaren lehenengo bi zikloetan lurraldea eta hitza izan dira aztertutako gaiak, hurrenez hurren. Anderrek eta Uxuek gidatuta, Edurne Portela, Raúl Guerra Garrido, Anjel Lertxundi eta Harkaitz Canoren obrara hurbildu gara. Haiekin batera literaturaz irakurri, barre egin eta ikasi dugu, eta askoz gehiago.

Beraiek izango dira gurekin irailetik abendura bitartean izango ditugun KLUBAKeko bi ziklo berrietan. Oraingo honetan berrikuntzaz hitz egingo dugu Uxuerekin eta ondareaz Anderrekin. Jarraian, topaketen datak eta irakurketa-klubetan aztertuko diren zenbait lanen xehetasunak ikusi ahal dituzue. Gogoratu, hori bai, taldeak osatuta badaude, aldez aurretik izena eman gabe joan ahal izango zaretela ziklo bakoitzaren amaieran izango diren bi solasaldietara. Hona hemen xehetasun guztiak:

 

3. Zikloa. BERRIKUNTZA (euskaraz) 

Gidaria: Uxue Alberdi

• Irakurketa klubeko saioak (Errege-Erregina Katolikoak, 16. Aurretiko izen-ematea)
  • Irailak 24. Politeismo bastarta, Jule Goikoetxea. 
  • Urriak 15. Beste zerbait, Danele Sarriugarte
• Topaketa (Santa Teresa Komentua. Sarrera librea edukiera bete arte)
  • Urriak 29. Gure literatura bastarta solasaldia Danele Sarriugarte eta Jule Goikoetxearekin

 

4. Zikloa. ONDAREA (gazteleraz)

Gidaria: Ander Izagirre

• Irakurketa klubeko saioak (Errege-Erregina Katolikoak, 16. Aurretiko izen-ematea beharrezkoa. Laster)
  • Azaroak 19, asteazkena. Babilonia, Joan Mari Irigoien
  • Abenduak 10, asteazkena. Basa, Miren Amuriza
• Topaketa (Santa Teresa Komentua. Sarrera librea edukiera bete arte)
  • Abenduak 18, osteguna. Pastorear la vida solasaldia Josebe Blancorekin, Hausnarrean : ardiek egin naute artzain obraren egilea 

 

Gutxi falta da lehen topaketarako. Hori irtsi bitartean gogoratu Santa Teresa Komentuan Edurne Portela eta Ignacio Mendiolarekin eta Anjel Lertxundi eta Idoia Santamariarekin izandako solasaldietaz gozatu ahal duzuela gure Youtubeko kanalean. Plazer bat !

• "Vidas atravesadas por la frontera" solasaldia

• "Berbelitzen paperak" solasaldia

Zuen zain gaude irakurketa berriez eta elkarrizketa interesgarriez gozatzen jarraitzeko. Laster arte!