KMKn Joseba Tapiaren abestiei birpasa literarioa egingo diegu

1998. urtea urte garrantzitsua izan zen Joseba Tapia musikari, kantari eta trikitilariaren bizitza profesionalean, Apoaren edertasuna (La belleza del sapo) diskoa argitaratu baitzuen, Koldo Izagirre idazlearen testuak eta konposizioak nahasten dituen aurreneko lana. Zalantzarik gabe, sortzaile askori eragin zion diskoa izateaz gain, Lasarte-Oriako artistaren bakarkako lehen proiektua izan zen.

25 urte geroago, 2023an, Tapiak eta Gotzon Barandiaran poetak album haren arrastoa aprobetxatu dute ikuskizun berri bat sortzeko: Apoaren itzala (La estela del sapo). Tapiaren abestietan zehar ibilbide literarioa egingo dute, musikariak bakarka egindako ibilbidea errepasatuz, musika-saio eta hitzaldi-elkarrizketa egiteko tartea izango dituen emanaldi batean. Joseba Tapia trikitixarekin eta ahotsarekin, eta Gotzon Barandiaran testuarekin. Tresna erraz eta soilen formatua, baina oso emaitza indartsua eta ezagutzeko modukoa.

Beti azpimarratzen dugun moduan, ziklo hau KMK-k antolatzen du eta Jon Obesoren garapena eta Jose Luis Padronen koordinazio-lana ditu. Topaketa horiek guztiak ordu (19:30) eta leku berean (Santa Teresa komentuan, Donostiako Parte Zaharrean) izaten dira.