KMK Liburutegia berriz irekitzea

Erabiltzaile agurgarriok,

 

Maiatzaren 25etik aurrera KMK Liburutegiak bere ateak irekiko ditu eta, pixkanaka, itxi zituztenetik etenda geratu ziren zerbitzuei berrekingo die. Osasun-larrialdi egoera honetan, hainbat higiene eta segurtasun-neurri hartu ditugu, liburutegia beti izan den gune segurua izango dela bermatzeko.

 

 

Behin neurri hauek hartuta, hurrengo astelehena, maiatzaren 25etik aurrera gune bat irekiko dugu Liburutegiaren sarrerako hallean eta bertan itzuliko dira dokumentu mailegatuak. Gunea irekita egongo da liburutegiko ohiko ordutegian; astelehenetik ostiralera 8:30etik 20:30era eta larunbatetan 8:30etik 14:00etara.

 

Itzulketa zerbitzuaz gain, ekainaren 1etik aurrera mailegu zerbitzua bi fasetan berrabiaraziko da:

 

Ekainaren 1etik 20ra, aldez aurretik eskatutako maileguak baino ez dira egingo katalogoaren bidez, telefonoz deituta edo presentzialki.

-          Erreserba katalogotik egiteko, bazkideen atalera sartu behar da, eta erabiltzailearekin eta pasahitzarekin identifikatu. Aukera hau erabiltzera animatzen zaituztegu, eskainiko dizuegun zerbitzua arintzeko aukera ematen baitigu.

-          Telefono bidezko erreserbak 943.11.27.93 zenbakira deituta egingo dira.

-          Liburutegian bertan ere erreserbatu ahal izango dira dokumentuak. Horretarako, sarrerako informazio-mahaia gaituko da. Bertan, liburutegiko langileek erreserba egingo dute, eta erabiltzaileari jakinaraziko diote, jasotzera joan daitekeenean.

 

Edonola ere, dokumentuen erreserba prestatu ondoren, SMS edo dei baten bidez jakinaraziko zaio erabiltzaileari bere eskaera prest duela. Abisua jasotzen duen unetik aurrera, erabiltzaileak 72 ordu izango ditu erreserba jasotzeko.

 

Ekainaren 22tik aurrera, liburutegiaren zati handi batetik zirkulatu ahal izango da, eta, beraz, ohiko maileguari berrekingo zaio.

 

Oraingoz, dokumentuak itzultzeko eta maileguan hartzeko zerbitzuak baino ez dira hasiko, hurrengo ohar batean komunikatuko dugu bestelako zerbitzuak noiz eta nola joango diren gehitzen.

 

Sortzen zaizuen edozein zalantza edo behar duzuen edozein informazio-eskaera argitzeko dei esazue 943.11.27.60 telefonora edo idatzi zuen galdera kmliburutegia@gipuzkoa.eusposta elektronikoan. Gogoratu, halaber, komenigarria litzatekeela poltsaren bat ekartzea, dokumentuak maileguan eroso eraman ahal izateko.

 

Hasi da atzerako kontaketa, zuen zain gaude!

 

Koldo Mitxelena Kulturunea