KMK Liburutegiko mailegu zerbitzua gertutik

Udako oporretan pentsatzen ari zarate eta gida bat behar duzue? KMK-Maileguan daukazu. Zuen goiburuko egilearen azkena irakurri nahi duzue? KMK-Maileguan dago. Etxean pelikula bat ikusi nahi duzue? KMK-Maileguan aurkituko duzue. Nahiago duzue eleberri grafiko bat? KMK-Maileguan ere badugu.

KMKren mailegu-gune berriak 60.000 dokumentu baino gehiago jartzen ditu zuen eskura, generoaren, euskarriaren eta gaiaren arabera banatuta, bilatzen duzuen obra aurkitzea erosoa eta erraza izan dadin. Apalategietan zehar ibil zaitezkete, liburuei begiratu bat eman, agian ezusteko izenburu interesgarri bat aurkitu... eta zuen altxorra maileguan etxera eraman. Gu bertan gaude beti laguntzeko prest baina, zuen bilaketa errazteko, Liburutegiko mailegu-gunearen bildumaren mapa hau aurreratu nahi dizuegu.

 

Hori bai, hemen daude ikusten dituzuen guztiak, baina ez dituzue dauden guztiak ikusten. Izan ere, KMK Liburutegiko mailegu-guneak 70.000 dokumentu gehiago "ezkutatzen" ditu beheko solairuan. Dokumentu horiek gure katalogoan aurki ditzakezue eta, sarrera librean ez badaude ere, Liburutegiko langileek unean bertan emango dizkizuete.

 

KMKko interesguneak

Espazio berri hau bizitzaz beteriko lekua da, eta bertan aurkituko dituzue argitaletxeen azken nobedadeak, baita horren ezagunak ez diren zenbait bitxikeri, Liburutegiko langileek astero interesgune ezberdinetan nabarmenduko dituztenak. Jakin nahi duzue zeintzuk diren? Gure Instagram profila jarraitzera gonbidatzen zaituztegu. Bertan, Liburutegiko interesgune hauek eta KMK Kulturuneko beste hainbat berri kontatuko dizkizuegu.

 

Automailegua

Lagun batek gomendatutako eleberriaren izenburua edo mundu guztiak aipatzen duen film hori gogoratzen ez baduzue, aurkitzen lagunduko dizuegu. Hori bai, zertara zatozten argi badaukazue eta mailegua modu autonomoan kudeatu nahi baduzue, automailegu-makina bat jarri dugu zuen eskura. Bertan (eta gure laguntzarik gabe), aukeratu dituzuen dokumentuak etxera eramateko (eta gero itzultzeko) aukera izango duzue, zuen liburutegi-txartelarekin soilik. Zerbitzu erraza eta arina, RFID bidezko identifikazio-teknologiaren ezarpenari esker posible dena.

 

Zuen zain gaude KMK-Maileguan!