Komikitik sortzailera : Grant Morrison

Edozein biografia arakatuta, guztietan nabarmentzen duten erakarpen nagusia antzekoa da: alde batetik gidoiaren narratiba modu ez linealean kontatzeko duen abilezia eta bestetik kontrakultura bezalako gaiak erabiltzeko hautua. Gai hauek izan daitezke drogak, sexua, biolentzia, metafikzioa edo fantasia. 1987 urtetik aurrerakoak dira bere komikirako gidoiak, eta bi bide jorratu ditu batik bat komikigintzan: 

Alde batetik pertsonaia eta komiki klasikoen berrinterpretazioa landu du, adibidez Batman edo Animal Manen kasuetan. Estatu Batuetako Vertigo eta DC etxeentzat egin ditu honelako gidoiak eta hemen gaztelerazko edizioan Paninik eta ECCk argitaratuta irakurri ditzakegu.

Eta beste alde batetik daude, komiki ezagunen gidoi berriak egin bitartean sortu izan dituen bere istorio propioak. Hauen artean, 2022an argitara eman diren azkenak honakoak dira: ‘Proctor Valley road’, ‘El misterio religioso’ edo ‘52’. Gainera ezin ahaztu zinea eta bideojokogintzarako ere sortu dituen beste hainbat gidoi.

Gure liburutegian Morrisonen gidoia edo Morrisonen esku hartzea nabaria den 90 komiki baino gehiago dauzkagu zuen eskura. Gehienak fikziozko lanak dira, eta gazteleraz berrargitaratuta daude. Hona hemen horietako ezagunenak:

• Wonder Woman
• Animal Man
• Batman
• Green Lantern
• El universo Marvel de Grant Morrison
• El multiverso