Komikitik sortzailera : Mike Mignola

Gero DC etxe handiarentzat lan egin zuen hainbat urtez, beti besteen sorkuntza edo pertsonaia ezagunen gainean lanean arituz.

1994. urtean berriz, lehen aldiz sortu zuen Hellboy seriea Dark Horse Comics argitaletxean. Hellboy pulp estiloko fantasma, munstro, beldur eta izuaren erakusgai artistiko bikaina izan da gaur egun arte. Sortu zuenetik Mike Mignolaren proiektu artistiko garrantzitsuena bilakatu da.

Liburutegian hainbat dokumentu dauzkagu Mignolaren lana ezagutzeko aproposak. Mignolaren hastapenetan DC etxean egindako lanen bildumatik hasi eta Hellboy unibertsoari buruzko antologia batekin jarraitu dezakegu bere unibertsoaren ideia bat egiteko.

Eta behin fantasma zein munstro kontuetan sakondu nahi izanez gero, Mignolaren fikziozko lanen zerrenda begiratu eta ezagutu dezakegu, 75 komikiren artean egongo da eta gustukoren bat edonorentzat, ziur!

Mike Mignolaren izena azalean daraman eta eskuratu berri dugun komikia ‘Falconspeare’ da, viktoriar kutsua duen misteriozko istorioa. Bertan banpiro ehiztaria izan zen James Falconspeareren bila arituko dira ohiko munstro ehiztariak, Meinhardt irakaslea, Sr. Knox eta Srta. Van Sloan adiskideak. Pertsonaiak Mike Mignolak sortuak eta Warwick Johnson-Cadwellek sortutakoak dira.