"Kultur ekimen profesionalak sendotzeko gakoak" izeneko formakuntzaren baliabidea

"Kultur ekimen profesionalak sendotzeko gakoak" izeneko formazioan elkarrizketa formatua aukeratu dugu, kultura ekimenen sendotzeari buruzko hausnarketa irekia eragiteko asmoz.

Zaila da ikaskuntza guneak sortzea kulturari lotutako lege eta zerga gaiei erantzuteko, kultura sektoreko errealitateak askotarikoak baitira, eta guztiontzak baliogarriak diren formulak ez daudelako. Profesionalizazioa garatzearren hartu beharreko oinarrizko gakoak egon badaude, baina askotan ez dugu adina baliabide nahiko gure praktikak egonkortze lanek dakartzaten gastuei eta ezagutzei aurre egiteko. Prekarietateak eraginda, sorkuntzaz eta haren ekoizpenaz gain, baita komunikazio, kontabilitate, kudeaketa, fiskalitate eta legearen arloko gaitasunak izan behar ditugu. Ez gara dena modu egoki batean lantzera iristen eta ez ditugu ezagutzak osotasunean barneratuta ere, lanketa horiek autonomiaz egin ahal izateko. Izapide txikienak luzatu egiten dira eta dagokiguna baino denbora gehiago eskatzen digute. Horregatik guztiagatik, eta beldurtzen gaituzten zereginetan lagundu eta aurrera egiteko, saio hau elkarrizketa formatuan antolatzea erabaki genuen.

Elkarrizketan bi adituk parte hartu zuten: Juan José de Andrések eta German Valderramak. Biak ala biak urte askoan hainbat kultura eta gizarte ekimenetan zailduak dira. Lehengoak aholkularitzatik landu du proiektuen balio kulturala eta soziala, eta bigarrenak, berriz, zerga aholkularitzari esker antolatu eta egituratu du hainbat egitasmoren garapena. Haien ibilbidea bata bestearen osagarri dira. Elkarteen ereduaren garapenari buruz hitz egin zuten, baita enpresa munduak eman ditzakeen garapen iraunkorrei buruz ere.

Baliabide batean jaso ditugu bertan landutako eduki nagusiak.

Ikusi baliabidea