Liburu liluragarria (artisten liburuak)

XX. mendean zehar, eta batez ere Marcel Duchamp-en boîtes haietatik aurrera, bere formato eta itxura konbentzioanala galdu du askotan liburuak; objektuaren kalitatea azpimarratu da eta osagai ugaritan gauzatu da, Fluxus taldearen argitalpenetan eta eratorpen kontzeptualetan ikusi ahal izan dugun legez. Horrekin batera, gaur egungo kreazio lanetan berariazko tokia eta izaera hartu dute “artista liburua” izenekoek, nagusiki irudiz hornitutako artelan bitxi eta berezi gisa edo idazle eta artistek elkarrekin egindako lan beti emankorraren fruitu gisa.

Artista liburuak liburu bakarrak izaten dira, tirada txikikoak nahiz handikoak; eta era guztietako joera eta kontzeptu estetikoak bildu dituzte arian-arian. Beren bakartasun eta berezitasunak izaera aurikoa eman die, artelanek izan ohi dutenaren antzekoa.