Liburuaren Eguna 2025

Apirilaren 23an Liburuaren Eguna ospatzen dugu, irakurketari, idazten dutenei eta istorioez gozatzen dutenei omenaldia egiten dien data sinbolikoa. Zergatik egun hau? Bat baitator Miguel de Cervantes eta William Shakespeare hil ziren datarekin, 1616 urtea alegia. 1995az geroztik, UNESCOk ofizialki Liburuaren Munduko Eguna izendatu zuen, eta ordutik aukera ezin hobea da apalategian zain ditugun liburu horiek berriro irekitzeko edo berriak aurkitzeko.

Koldo Mitxelena Kulturuneko Liburutegitik, nola ez, ospakizun honekin bat egiten dugu eta opari txiki bat egin nahi dizugu: aste honetan zehar liburu-gune bat prestatu dugu, nahi duzuna aukeratu eta etxera eraman ahal izateko. Irakurleen esku berrietan bigarren bizitza bat bilatzen duten liburuak dira. Zatoz Errege-Erregina Katolikoen kaleko 16. zenbakiko gure mailegu-gunera eta begirada bat bota eskainiko dizkizugun izenburuei. Ziur istorio interesgarriren bat aurkituko duzula!

 

Bide batez, gogorarazi nahi dizugu ere gure irakurketa-kluba abian dela. Taldean irakurketak partekatu nahi badituzu, liburu batek zer sentiarazi dizun komentatu eta begirada berriak ezagutu nahi badituzu, informazio guztia esteka honetan kontsulta dezakezu, baita lehenengo zikloan izena eman ere hemen.

 

Irakurtzea ez da banakako ekintza soilik. Irakurtzea besteekin topo egiteko, mundua ulertzeko eta gehiago gozatzeko modu bat ere bada. Liburuaren Egun honek gogoraraz diezagula zein baliotsua den liburu on bat... eta zein zorionekoak garen eskura edukitzeagatik.