Liburutegien eguna

‘Interakzio soziala, osasun iturri’ programa antolatu da Liburutegien Eguna ospatzeko

Urriaren 24an Liburutegien Eguna dela eta, Koldo Mitxelena Kulturuneko Liburutegiak, Medialab Tabakalerak eta Donostia Kulturako Liburutegi Zerbitzuak elkarlanean Interakzio soziala, osasun iturri izeneko programa antolatu dute.

Programa honen bitartez, liburutegiak espazio soziokulturalak direnez, giza-harremanetarako gune gisa duten garrantzia azpimarratuko da. Ikuspegi horretatik aztertuko da nola pertsonak dauden eskaintzen diren zerbitzu eta jarduera guztien erdigunean. Horien artean, espazio fisikoa bera funtsezkoa da. Bertan interakzio sozialak sortzen dira: batzuk modu naturalean, eta beste batzuk liburutegiek sustatuta. Beti dira osasungarriak, eta askotan, gainera, oso baliagarriak dira egoera eta arazo zehatzak arintzeko. Horien artean, esaterako, bilatu gabeko bakardadea, jazarpen mota batzuk edota oro har gizarteratze prozesua behar duten bazterkeriak.

Hau izango da ‘Interakzio soziala, osasun iturri’ ekimenaren programa:

Urriak 22. Andrés Neuman idazlearekin topaketa
19:00 (Doan edukiera bete arte)
San Telmo Museoa
Hasta que empieza a brillar, Andrés Neuman
Gidatzailea: Amaia García

Urriak 24. Jardunaldi profesionala
9:30:13:00 (Aurretik izena eman behar da)
Victoria Eugenia Club
-Las infraestructuras comunitarias: el caso de las bibliotecas (Oscar Rebollo, Bartzelonako 
-Soledad no desada: experiencias en la red de bibliotecas municipales de la Diputación de Barcelona (Esperança Paños, Bartzelonako Diputazioko Liburutegi Zerbitzuen arduraduna)
-Tu biblioteca, punto de encuentro (Estela Gonzalo, Eugenio Trías. Casa de Fieras de El Retiro Liburutegi Publikoaren zuzendaria)
-Interakzio soziala, osasun iturri (Gipuzkoako liburutegien praktika onen bilketaren aurkezpena)

Urriak 26. Zine-proiekzioa
19:00
Tabakalera
Elling, Petter Naess
Sarrera orokorra: 4,00 €