Liburutegietan ere, Adimen Artifiziala
Adimen artifizial sortzailea, ChatGPT, sare neuronalak, ikaskuntza automatikoa, hizkuntza naturalaren prozesamendua, datu-meatzaritza... Ziur hitz hauek entzun izan dituzula baina, ezagutzen al dituzu horrelako tresnak erabiltzen dituzten liburutegi-proiektuak? Hobeto ezagutu eta erabiltzen ikasi nahi duzu? Hala bada, datorren urriaren 24an hitzordu bat dugu.
Liburutegietan ere, Adimen Artifiziala
Urriaren 24an ospatuko den Liburutegiaren Eguna dela eta, Donostia Kulturako Liburutegi Zerbitzuak, Medialab Tabakalerak eta Koldo Mitxelena Kulturuneko Liburutegiak Adimen Artifiziala (IA) eta liburutegien inguruko jardunaldi bat antolatu dugu.
Daniel Torres Salinas eta Wenceslao Arroyo Machadoren eskutik adimen artifizial sortzaileak, bereziki ChatGPT bezalako tresnek, gure lantokietako egunerokotasuna nola eralda dezakeen esploratuko dugu. Lantegian, liburutegietako proiektu eta kasu zehatzak oso modu praktikoan ezagutuko ditugu, baita teknologia horien erabileratik eratorritako hausnarketa tekniko eta etikoak aztertu ere.
Parte-hartzaile bakoitzak bere ordenagailu eramangarria ekarri beharko du, edo, nahiago badu, tailerra beste ikaskideren batekin egin. Edukiera mugatua izango da eta erreserba inskripzio-ordenaren arabera egingo da.
Hau izango da jardunaldiaren programa:
- 8:45-9:00 Harrera
- 9:00-9:15 Ongi etorria
- 9:15-10:00 Lantegiaren aurkezpena. IAren aplikazioak eta aukerak liburutegietan (Daniel Torres Salinas eta Wenceslao Arroyo Machado)
- 10:00-10:30 Kafe atsedena
- 10:30-13:30 Lantegia. IAren aplikazioak eta aukerak liburutegietan (Daniel Torres Salinas eta Wenceslao Arroyo Machado)
- Tailer praktiko honetan adimen artifizial sortzailea eta ChatGPT bezalako tresnak erabiltzen diren kasuak ezagutuko ditugu, baita erabili ere.
- 13:30-14:00 Agurra eta topa
Lantegia urriak 24an izango da, Santa Teresa Komentuko Ekitaldi Aretoan (Andereño Elbira Zipitria, 1, 2). Izen-emateak hemen.
Programazioa osatzeko eta ahobizarra kentzeko, egun batzuk lehenago beste bi jarduera osagarriz gozatzeko aukera izango dugu.
Urriak 20, 19:00. Zine-proiekzioa. Tabakalera
- After Yang (Kogonada, AEB, 2021, 90')
Urriak 22, 19:00. Liburutegi Nagusia (San Jeronimo)
- Contenido. Carlo Padial idazlearekin topaketa
Albiste gehiago
-
Urriko komiki eta eleberrien nobedadeak
Urriko komiki eta eleberrien nobedadeak
Liburutegian azken hilabetean zehar jasotako eleberri eta komiki berrienak eta baita aukeraketa bat ere
2024-10-04
-
Liburutegietan ere, Adimen Artifiziala
Liburutegietan ere, Adimen Artifiziala
Adimen artifizial sortzailea, ChatGPT, sare neuronalak, ikaskuntza automatikoa, hizkuntza naturalaren prozesamendua, datu-meatzaritza... Ziur hitz hauek entzun izan dituzula baina, ezagutzen al dituzu horrelako tresnak erabiltzen dituzten liburutegi-proiektuak? Hobeto ezagutu eta erabiltzen ikasi nahi duzu? Hala bada, datorren urriaren 24an hitzordu bat dugu.
2024-10-01
-
“Zinema” liburutegia
“Zinema” liburutegia
Argiak, kamera, akzioa! Aste honetan Donostia galaz janzten da Nazioarteko Zinemaldiaren 72. edizioa ospatzeko. Kaleetan zehar aktoreak, zuzendariak, ekoizleak, konpositoreak... dabiltza. Eta beraiekin batera, Gipuzkoako hiriburura hurbildu diren kazetariak eta zinemazaleak, zazpigarren arteaz gozatzeko eta egun hauetan hiria inguratzen duen giro berezi horretan murgiltzeko.
2024-09-23
-
Iraileko komiki eta eleberrien nobedadeak
Iraileko komiki eta eleberrien nobedadeak
Liburutegian azken hilabetean zehar jasotako eleberri eta komiki berrienak eta baita aukeraketa bat ere
2024-09-09